बॉलिवूड (Bollywood) अभिनेता रणदीप हुड्डाचा (Randeep Hooda) बहुप्रतीक्षित चित्रपट 'स्वतंत्र वीर सावरकर' (Swatantrya Veer Savarkar Movie) आणि प्रतीक गांधीचा 'मडगांव एक्सप्रेस' (Madgaon Express Movie) हे चित्रपट नुकताच प्रेक्षकांच्या भेटीला आले. दोन्ही चित्रपट कमाईच्या बाबतीत बॉक्स ऑफिसवर एकमेकांना टक्कर देताना दिसत आहेत. दोन्ही चित्रपटांकडून चाहत्यांना प्रचंड अपेक्षा होत्या. पण बॉक्स ऑफिसवर दोन्ही चित्रपटांची सुरुवात संथ गतीने झाली. याशिवाय 'योद्धा', 'शैतान' आणि 'आर्टिकल 370' हे चित्रपट देखील थिएटरमध्ये अजूनही सुरू आहेत. त्यामुळे 'मडगांव एक्सप्रेस' आणि 'स्वातंत्र्य वीर सावरकर' चित्रपटाच्या कमाईत वाढ होताना दिसत नाही.
रणदीप हुड्डाच्या स्वतंत्र वीर सावरकर या चित्रपटाची बऱ्याच दिवसांपासून चर्चा होती. आता हा चित्रपट अखेर चित्रपटगृहात दाखल झाला. या चित्रपटातील रणदीपच्या अभिनयाचे खूप कौतुक होत आहे. मात्र या चित्रपटाने बॉक्स ऑफिसवर संथ सुरुवात केली. या चित्रपटाने पहिल्याच दिवशी 1 कोटी 5 लाखांची कमाई केली होती. दुस-या दिवशी या चित्रपटाने झेप घेतली आणि 2 कोटी 25 लाखांची कमाई केली. अशाप्रकारे या चित्रपटाचे एकूण कलेक्शन 3 कोटी 31 लाखांवर पोहोचले आहे.
अभिनेता दिव्येंदू, प्रतीक गांधी, अविनाश तिवारी, नोरा फतेही, उपेंद्र लिमये आणि छाया कदम यासारख्या स्टार्सचा 'मडगांव एक्सप्रेस' हा चित्रपट देखील शुक्रवारी प्रदर्शित झाला. या चित्रपटाने पहिल्या दिवशी 1 कोटी 50 लाखांची कमाई केली होती. या चित्रपटाच्या दुसऱ्या दिवशीच्या कमाईत चांगली सुधारणा झाली. शनिवारी या चित्रपटाने 2 कोटी 92 लाखांची कमाई केली. यासह चित्रपटाची एकूण कमाई 4 कोटी 42 लाखांवर पोहोचली आहे.
या दोन चित्रपटांसोबत सध्या बॉक्स ऑफिसवर अजय देगणचा 'शैतान' चित्रपट देखील चांगला चालत आहे. या चित्रपटाने आतापर्यंत 120 कोटींपेक्षा जास्त कमाई केली आहे. सिद्धार्थ मल्होत्राच्या 'योद्धा' चित्रपटाने 9 दिवसांमध्ये 27.67 कोटी रुपयांची कमाई केली आहे. तर यामी गौतमच्या 'आर्टिकल 370' चित्रपटाने पाचव्या शनिवारी 74.75 कोटी रुपयांची कमाई केली आहे.
सकाळ+चे सदस्य व्हा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.