Animal Collection day 13: वर्ल्डवाइड कलेक्शनमध्ये 'अ‍ॅनिमल'ने मारली बाजी, ८०० कोटींचा आकडा पार करण्यासाठी इतके अंतर दूर

Animal Movie:

बॉलिवूडचा (Bollywood) सुपरस्टार रणबीर कपूर (Ranbir Kapoor), रश्मिका मंदान्ना (Rashmika Mandanna) आणि बॉबी देओलचा (Bobey Deol) 'अ‍ॅनिमल' (Animal Movie) चित्रपट बॉक्स ऑफिसवर जबरदस्त कमाई करत आहे. या चित्रपटाला प्रेक्षकांकडून खूप चांगली पसंती मिळत आहे. १३ व्या दिवशी देखील या चित्रपटाने बॉक्स ऑफिसवर चांगली कमाई केली आहे.

फक्त बॉक्स ऑफिसच नाही तर जगभरामध्ये हा चित्रपट जबरदस्त कमाई करताना दिसत आहे. या चित्रपटाच्या कमाईचा आकडा दिवसेंदिवस वाढतच चालला असून एक-एक रेकॉर्ड ब्रेक करत आहे. १३ दिवसांत या चित्रपटाने ७५० कोटींपार कलेक्शन केले आहे. ८०० कोटींच्या क्लबमध्ये पोहचण्यासाठी हा चित्रपट अवघे काही आकडे दूर आहे. ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

'अ‍ॅनिमल' चित्रपट इतर चित्रपटांना मागे टाकत दमदार कमाई करताना दिसत आहे. भारतामध्ये हा चित्रपट ५०० कोटींच्या क्लबमध्ये पोहचण्यासाठी अवघे काही अंतर दूर आहे. १३ व्या दिवशी या चित्रपटाच्या कमाईचा आकडा इतर दिवशीच्या कमाईपेक्षा खूपच कमी आहे. १३ व्या दिवशी या चित्रपटाने १९.४२ कोटींची कमाई केली. आतापर्यंत बॉक्स ऑफिसवर या चित्रपटाने एकूण ४६८ कोटी रुपयांची कमाई केली आहे.

तर वर्ल्डवाइड कलेक्शनमध्ये देखील 'अ‍ॅनिमल'ची जादू कायम पाहायला मिळत आहे. वर्ल्डवाइड कलेक्शनमध्ये ७५० कोटीचा आकडा पार करण्यास चित्रपटाला यश आले आहे. या चित्रपटाने आतापर्यंत ७७२. ३३ कोटी रुपयांची कमाई केली आहे. वर्ल्डवाइड कलेक्शनच्या बाबतीत हा चित्रपट दिवसेंदिवस नवा आश्चर्यकारक आकडा पार करताना दिसत आहे.

संदीप रेड्डी वंगा यांच्या दिग्दर्शनाखाली तयार करण्यात आलेल्या या चित्रपटाला अजूनही प्रेक्षकांकडून चांगला प्रतिसाद मिळत आहे. हा चित्रपट पाहण्यासाठी प्रेक्षक थिएटरमध्ये गर्दी करत आहेत. या चित्रपटामध्ये मुख्य भूमिकेत रणबीर कपूरसह, रश्मिका मंदान्ना, बॉबी देओल, अनिल कपूर आणि तृप्ती डिमरी आहेत. सर्वच कलाकारांच्या अभिनयाने आणि लूकने प्रेक्षकांचे मन जिंकले आहे. चित्रपटाची निर्मिती जवळपास १०० कोटींमध्ये झालेली असून पहिल्या दोन दिवसांच्या कमाईतूनच निर्मितीचा खर्च वसूल केला आहे.