Auron Mein Kahan Dum Tha : 'कल्की 2898 एडी' च्या यशामुळं नीरज पांडेला लागला दम; थेट रिलीज डेटच बदलली

स्नेहा ढवळे- साम टीव्ही

आगामी 'औरों में कहां दम था' या बॉलिवूड चित्रपटाचं रिलीज आणखी काहीसं लांबलेलं आहे. नीरज पांडे यांनी या चित्रपटाचं लेखन-दिग्दर्शन केलं आहे. बॉलिवूड लव्हर्सची मोस्ट फेव्हरेट जोडी अभिनेता अजय देवगण आणि अभिनेत्री तब्बू या चित्रपटामध्ये लीड रोलमध्ये दिसणार आहे. या दोघांची लव्ह स्टोरी प्रेक्षकांना रुपेरी पडद्यावर पाहायला मिळणार आहे.

खरंतर 'औरों में कहां दम था' हा चित्रपटा ५ जूलैला रिलीज होणार होता. पण तो चित्रपट तेव्हा नं रिलीज होता, जूलैच्या मधल्या आठवड्यात रिलीज होण्याची शक्यता आहे. अजय- तब्बूच्या ह्या मोस्ट अवेटेड चित्रपटाची रिलीज डेट पुढे ढकलण्याचं एक महत्वाचं कारण समोर आलं आहे. कारण आहे, तेलगू मल्टीस्टारर सायन्स फिक्शन चित्रपट 'कल्की 2898 एडी'. ६०० कोटी बजेट असलेला 'कल्की 2898 एडी' चित्रपट रिलीज होऊन आठवडाही नाही उलटला तोच बॉक्स ऑफिसवर या सिनेमाने धुमाकूळ घातलाय.

'कल्की 2898 एडी'चं वर्ल्ड बॉक्स ऑफिस कलेक्शन ४०० करोडच्या घरात गेलंय. प्रभास स्टार 'कल्की 2898 एडी'चं वाढतं यश पाहता लेखक-दिग्दर्शक नीरज पांडेंनी 'औरों में कहां दम था' सावध भूमिका घेतली असावी. कारण सिनेमामागे मेहनत तर लागतेच ना बॉस... तर 'कल्की 2898 एडी'मुळं आपल्या सिनेमाला फटका बसू नये म्हणुन नीरज पांडेंनी आपल्या फिल्मचं रिलीज पुढे ढकलंलंय. असो. आता नीरज पांडेंची हि 'वन स्टेप बॅक' जाण्याच्या स्ट्रॅटर्जीमध्ये किती दम होता हे 'औरों में कहां दम था' च्या रिलीज नंतरच कळेल.