Rakhi Sawant News: राखीचा चाहत्यांना आत्मनिर्भर राहण्याचा सल्ला, घटस्फोटानंतर तिच्या डोक्यात प्रकाश पडला

Bollywood News: बॉलिवूड अभिनेत्री राखी सावंतचा पती आदिल खान सध्या तुरुंगात पोलिस कस्टडीत आहे. यांच्यातील वाद हा आता खासगी राहिला नसून तो सर्वांनाच ठाउक झाला आहे. राखीने आदिलवर अनेक गंभीर आरोप करत त्याच्या विरोधात पोलिस स्थानकात धाव घेतली होती.

आदिल विरोधात मुंबई आणि म्हैसूर मध्ये तक्रार दाखल करण्यात आली आहे. या दरम्यान राखीचा एक व्हिडिओ सोशल मीडियावर बराच व्हायरल होत आहे. या व्हायरल व्हिडीओत राखीने आदिलला बरेच टोमणे मारले आहे.

रोजच राखी माध्यमांसमोर येत आदिल बद्दल काही ना काही बोलत असते. कधी त्याच्या बद्दल रडते तर कधी त्याची काळजी करताना दिसते. तशीच ती आता विमानतळावर पापराझींच्या प्रश्नावर उत्तर देत होती. या व्हिडीओत राखी सावंत तिचं करिअर, पती आदिल खान आणि मोडलेलं लग्न याविषयी बोलताना दिसत आहे.

या व्हायरल व्हिडीओत राखी माध्यमांसमोर बोलते, 'काम करायला हवं, आपण आत्मनिर्भर बनायला हवं. ते म्हणतात ना, सीर सलामत पगडी पचास. पण आपण पडल्याशिवाय आपल्याला पुन्हा उठून काम करण्याची मज्जा फार वेगळी आहे. अनेक लोकांनी मला खाली पाडलं. माझ्या पतीनेही मला फसवलं. एवढ्या चांगल्या हॉट बायकोला सोडून तो दुसरीकडे गेला. पण आता मला कामावर लक्ष केंद्रित करायचं आहे.'

गेले काही दिवसांपासून यांच्यातील वाद बरेच विकोपाला गेले असून एकमेकांवर आरोप प्रत्यारोप देखील केले होते. राखीने आदिलवर लैंगिक शोषण आणि मारहाणीचे आरोप केल्यानंतर त्याला पोलिसांनी अटक केली. या दरम्यान आदिल खानवर एका इराणी तरुणीने म्हैसूरमध्ये बलात्काराचा गुन्हाही दाखल केला आहे. त्यामुळे त्याच्या अडचणीत आणखी वाढ झाली आहे.