Priety Zinta: प्रिती झिंटाचे ६ वर्षानंतर चित्रपटसृष्टीत दमदार कमबॅक; चित्रपटाच्या सेटवरील फोटो केला शेअर

नव्वदीच्या दशकात आपल्या अभिनयाने प्रेक्षकांना वेड लावणारी अभिनेत्री म्हणजे प्रीती झिंटा. प्रिती झिंटा आपल्या अभिनयाने प्रेक्षकांची मने नेहमीच जिंकते. प्रिती झिंटा बऱ्याच वर्षांपासून चित्रपटसृष्टीपासून लांब होती. मात्र, आता प्रिती झिंटा चित्रपटातून पुन्हा एकदा कमबॅक करत आहे.

प्रिती झिंटा गेल्या ६ वर्षांपासून चित्रपटसृष्टीपासून लांब आहे. प्रिती झिंटा लवकरच 'लाहोर 1947' या चित्रपटातून प्रेक्षकांच्या भेटीला येणार आहे. प्रितीने नुकतेच चित्रपटाच्या सेटवरील फोटो सोशल मीडियावर शेअर केले आहे. या फोटोला तिने 'लाहोर 1947'च्या सेटवर असं कॅप्शन दिले आहे. तिने शेअर केलेल्या शेवटच्या फोटोमध्ये सेटवर फोन वापरण्यास मनाई आहे, असं लिहलेलं बॅनर दिसत आहे. या चित्रपटाबद्दल अद्याप कोणतीही माहिती समोर आलेली नाही.

'लाहोर 1947' चित्रपटाच्या शुटिंगला सुरुवात झाली आहे. राजकुमार संतोष चित्रपटाचे दिग्दर्शन करणार आहे. 1947 साली झालेल्या फाळणीवर हा चित्रपट असणार असल्याचे सांगण्यात येत आहे. या चित्रपटात प्रिती झिंटाची भूमिका काय असणार आहे, याबाबत कोणतीही माहिती समोर आलेली नाही. तसेच चित्रपटात कोणते कलाकार झळकणार आहे याबाबत माहिती देण्यात आलेली नाही.

प्रिती झिंटाने अनेक चित्रपटांमध्ये काम केले आहे. ती बॉलिवूडमधील आघाडीच्या अभिनेत्यांसोबत झळकली आहे. प्रितीने २०१६ साली जीन गुडइनफशी लग्नगाठ बांधली. या दोघांना दोन मुले असून ते दोघेही लॉल एंजेलिसमध्ये राहते. प्रितीने चित्रपटसृष्टीपासून दूर राहून आपल्या कुटुंबियांसोबत वेळ घालवला आहे. त्यानंतर आता खूप वर्षांनी ती पुन्हा एकदा चित्रपटात दिसणार आहे.