Janhvi Kapoor: जान्हवीचा वॅकेशन मोड ऑन, मालदिवमध्ये खास व्यक्तीसोबत हॉलिडे एन्जॉय

Janhvi Kapoor Maldives Vacation Photo: बॉलिवूड अभिनेत्री जान्हवी कपूर तिच्या अभिनयाने आणि फॅशनने चाहत्यांना नेहमीच आश्चर्यचकित करत असते. जान्हवी नेहमीच तिचे हॉट आणि ग्लॅमरस फोट आणि व्हिडिओ सोशल मीडियावर शेअर करत असते. सध्या जान्हवी सुट्टीचा आनंद घेत आहे. जान्हवी मालदीवमध्ये गेली असून तिथले अनेक फोटो तिने तिच्या इन्स्टाग्रामवर शेअर केले आहेत. तिने शेअर केलेल्या फोटोची आता चर्चा होत आहे.

जान्हवी कपूरने तिचा एक फोटो शेअर केला आहे ज्यामध्ये ती चंद्रप्रकाशात ग्लॅमरस कट आउट ड्रेसमध्ये पोज देत आहे. तसेच तिने इन्स्टावर फोटो शेअर करत लिहिले आहे की, फिकट चंद्रप्रकाशात मला भेट (मीट मी इन द पेल मूनलाईट). तर जान्हवीच्या एक्स बॉयफ्रेंड शिखरने फोटो लाइक केले आणि कमेंटमध्ये मून स्पिरिट असे लिहिले आहे.

शिखरने सुद्धा त्याच्या इन्स्टा अकाऊंटवरून तसेच चंद्राचा एक फोटो त्याच्या स्टोरीवर शेअर केला आहे. या फोटोमध्ये अथांग समुद्र आणि चंद्रप्रकाश आणि चंद्र दिसत आहे. दोघांचेही हे चंद्रप्रेम पाहून लोक चर्चा करू लागले आहेत. या दोघांच्या नात्याबद्दल पुन्हा चर्चा होऊ लागली आहे.

शिखर पहारिया हा सुशीलकुमार शिंदे यांचा नातू आहे. सुशीलकुमार शिंदे हे महाराष्ट्र राज्याचे माजी मंत्री होते. शिखरने आणि जान्हवी कपूरला याआधी एकमेकांना डेट करत होते पण नंतर दोघेही वेगळे झाले. कॉफी विथ करणच्या सातव्या सीझनमध्ये दोघांच्या डेटिंगवर जान्हवीने शिक्कामोर्तब केला होता. अलीकडेच जान्हवीला शिखरसोबत हँग आउट करतानाही दिसली होती.