Salman vs Shahrukh: भारत-पाकिस्तान सामन्यादिवशी सलमान-शाहरुख आमने-सामने

मुंबई: बॉलिवूडचा (Bollywood) बादशाह शाहरुख आणि भाईजान सलमान खान (Shahrukh Khan Salman Khan) यांचा आमना-सामना होणार आहे. शाहरुखचा चित्रपट (Movie) 'पठाण' आणि सलमान खानचा चित्रपट 'किसी का भाई किसी की जान' हे एकाचवेळी प्रदर्शित होणार आहेत. दोन्ही सिनेमे बॉक्स ऑफिसवर नाही तर 'आयसीसी टी-२०' वर्ल्ड कप दरम्यान आमने-सामने येणार आहेत. टी 20 वर्ल्ड कपमधील भारत पाकिस्तान सामन्याच्या दिवशी या दोन्ही चित्रपटांचा टीझर प्रदर्शित होणार आहे.

यशराज फिल्मच्या बॅनरखाली निर्मिती होत असलेल्या चित्रपटात शाहरुख खानसह दीपिका पादुकोण आणि जॉन अब्राहाम मुख्य भूमिका साकारणार आहेत. सिद्धार्थ आनंद दिग्दर्शित हा चित्रपट २५ जानेवारी, २०२३ ला हिंदी, तामिळ आणि तेलगू या भाषांमध्ये प्रदर्शित होणार आहे.

सलमान खान २०२२ च्या शेवटी बॉक्स ऑफिसवर कब्जा करणार आहे. त्याची 'किसी का भाई किसी की जान' (Kisi Ka Bhai Kisi Ki Jaan) ३० डिसेंबर, २०२२ रोजी चित्रपट गृहांमध्ये प्रदर्शित होणार आहे. सलमानसोबत पहिल्यांदाच पूजा हेगडे दिसणार आहे. फरहाद सामजी यांनी दिग्दर्शित केलेल्या या चित्रपटात व्यंकटेश दग्गुबाती, राम चरण, जस्सी गिल, शहनाज गिल, सिद्धार्थ निगम, पलक तिवारी, राघव जुयाल हे कलाकार दिसणार आहेत.

सलमान खान, कटरीना कैफ यांचा 'टाइगर 3' लवकरच प्रेक्षकांच्या भेटीला येणार आहे. शाहरुख खान, नयनतारासोबत 'जवान' आणि तापसी पन्नूसह 'डंकी' या चित्रपटात दिसणार आहे.