Ravi Kishan Latest News: गोरखपूरमधील भाजप खासदार आणि अभिनेते रवी किशन (Ravi Kishan) यांच्यासोबत तीन कोटींची फसवणूक केल्याचं प्रकरण समोर आलं आहे. गोरखपूरच्या कँट पोलीस (Police) ठाण्यात याप्रकरणी तक्रार दाखल करण्यात आली आहे. या प्रकरणाचा तपास सुरू असल्याचे पोलिसांचे म्हणणे आहे. त्यानंतर योग्य ती कारवाई केली जाईल.
भाजप खासदार रवी किशन यांनी कँट पोलीस ठाण्यात फसवणुकीची तक्रार दाखल केली आहे. एका बिल्डरने आपली ३ कोटी रुपयांची फसवणूक केल्याचे त्यांनी तक्रारीत म्हटले आहे. बिल्डरवर आयपीसी कलम 406 अंतर्गत गुन्हा दाखल करण्यात आला आहे.
पोलिसांत दाखल केलेल्या तक्रारीनुसार, रवी किशन यांनी 2012 मध्ये पूर्व मुंबईतील रहिवासी जैन जितेंद्र रमेश नावाच्या व्यक्तीला 3.25 कोटी दिले होते. पैसे परत करण्यास सांगितले तेव्हा त्याने 34 लाख लाखांचे 12 चेक दिले. खासदार रवी किशन यांनी 7 डिसेंबर 2021 रोजी स्टेट बँक ऑफ इंडियाच्या गोरखपूर शाखेत चेक जमा केला तेव्हा चेक बाऊन्स झाला.
कँट पोलीस स्टेशनचे प्रभारी शशी भूषण राय यांनी सांगितले की, पोलिसांनी याप्रकरणी गुन्हा दाखल करून तपास सुरू केला आहे. पूर्वी खासदार कँट पोलीस ठाण्याच्या हद्दीतील सिंघारिया येथे राहत होते, परंतु अलीकडे ते तारांगण लेक व्ह्यू कॉलनी येथील घरात राहू लागले आहेत. नुकतेच रवी किशन यांनी आपल्या कौटुंबिक समस्येबद्दल ट्विट केले होते.त्यांनी सांगितले होते की, त्यांच्या आईला कॅन्सर झाला असून त्यांच्यावर मुंबईतील रुग्णालयात उपचार सुरू आहेत.काही महिन्यांपूर्वी त्यांच्या मोठ्या भावाचेही आजारपणामुळे निधन झाले.
सकाळ+चे सदस्य व्हा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.