बिग बॉस मराठीमुळे निक्की सध्या चांगलीच चर्चेत आली आहे. बिग बॉसच्या घरातील निक्की तिच्या दमदार खेळीमुळे ओळखली जाते. बिग बॉसच्या आठव्या आठवड्यात मत कमी मिळाल्याने अरबाज घरातून बाहेर पडला. बिग बॉस गेल्यानंतर घरातील स्पर्धकासह चाहते नाराज झाल्याचे दिसले.
बिग बॉस मराठीच्या घरात निक्की आणि अरबाजची मैत्री घट्ट होती. दोघेही कायम एकमेकासोबत दिसत होते. कधी प्रेम तर कधी भांडणं अशी निक्की आणि अरबाजची खेळी पाहायला मिळाली. अशातच आठव्या आठवड्यात अरबाज घरातून जाणार असल्याच समजताच निक्की ढसाढसा रडताना दिसली. निक्की अरबाजला तू जाऊ नको ना... आता माझ्याशी कोण गप्पा मारेल अश्या भावना व्यक्त करताना दिसली.
नुकताच बिग बॉसच्या एका नवीन प्रोमोमध्ये निक्की पुन्हा रडताना दिसत आहे. निक्की म्हणतेय की, "बिग बॉस आता माझ्या आयुष्यात मोठा दुष्काळ आलाय..." सोशल मीडियावर कलर्स मराठीच्या या प्रोमोवर नेटकऱ्यांनी लाईक्स आणि प्रतिक्रिया दिल्या आहेत. येत्या काही दिवसांतच बिग बॉस मराठीचा शो संपणार आहे. अलिकडेच बिग बॉस मराठीने अधिकृतपणे ग्रँड फिनालेची तारीख जाहीर केली. बिग बॉस मराठीच्या घरात आता कोण जिंकणार याकडे सर्वांचे लक्ष लागले आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
