‘बिग बॉस मराठी’चं पाचवं पर्व दणक्यात सुरू झालं आहे. पहिल्याच दिवसापासून सदस्यांमध्ये वादाची ठिणगी पेटली आहे. या वादामध्ये सर्वाधिक चर्चेत बॉलिवूड अभिनेत्री निक्की तांबोळी आहे. निक्की एक प्रसिद्ध बॉलिवूड अभिनेत्री असून ती ‘बिग बॉस १४’ मध्येही होती. आता त्यानंतर निक्की ‘बिग बॉस मराठी’ च्या पाचव्या सीझनमधूनही प्रेक्षकांच्या भेटीला आली आहे. निक्की मुळची छत्रपती संभाजीनगरची असून ती डोंबिवलीत राहते.
सध्या निक्की तांबोळीच्या मराठीची चाहत्यांमध्ये आणि स्पर्धकांमध्ये जोरदार चर्चा होत आहे. 'बिग बॉस मराठी'च्या घरात निक्की तांबोळी वारंवार 'बाई बाई' बोलताना दिसून येत आहे. 'बाई बाई' म्हणातानाचा तिचा गोड अंदाज सध्या सोशल मीडियावर तुफान व्हायरल होत आहे. निक्कीचा हा गोड अंदाज प्रेक्षकांच्या पसंतीस उतरत आहे. तिच्या 'बाई बाई' ह्या डायलॉगवर वर्षा उसगांवकर म्हणतात, "तेवढाच एक मराठी शब्द चांगला येतो हिला."
कलर्स मराठीने हा मजेशीर व्हिडिओ त्यांच्या सोशल मिडिया हँडलवर शेअर केलेला आहे. हा व्हिडिओ सध्या तुफान व्हायरल होत असून गेल्या काही दिवसांत निक्कीने बिग बॉसच्या घरात जितक्या वेळा 'बाई बाई' हा डायलॉग म्हटला तितक्या वेळचा भाग एडिट करून व्हिडिओ क्रिएट केला आहे. "सगळे हसतात हिच्यापायी, बोलते सारखी बाई बाई..." अशी टॅगलाईन देऊन निक्की तांबोळीचा हा मजेशीर व्हिडिओ व्हायरल केला जात आहे.
निक्की तांबोळी बॉलिवूड आणि टॉलिवूड इंडस्ट्रीतील एक प्रसिद्ध अभिनेत्री आहे. तिने चित्रपटासोबतच अनेक रिॲलिटी शोमध्येही काम केले आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.