बिग बॉस मराठी सीझन ५ चा लवकरच संपणार आहे. येत्या ६ ऑक्टोबरला बिग बॉस मराठी सीझन ५ चा अंतिम सोहळा आहे. ‘बिग बॉस मराठी’च्या पाचव्या पर्वात आता आठ सदस्य बाकी राहिले आहेत. अभिजीत सावंत, सूरज चव्हाण, अंकिता वालावलकर, निक्की तांबोळी, जान्हवी किल्लेकर, वर्षा उसगांवकर, धनंजय पोवार हे आठही सदस्य या आठवड्यात नॉमिनेट आहेत. त्यामुळे या आठ सदस्यांमध्ये कोण जिंकणार? हे पाहणं महत्त्वाचं असणार आहे.
सध्या बिग बॉसचा १० वा आठवडा सुरू आहे. या आठवड्यात बिग बॉसच्या घरात स्पर्धकांना नवीन टास्क देण्यात आला आहे. यादरम्यानचा बिग बॉसचा नवीन प्रोमो रिलीज झाला आहे. बिग बॉस मराठीच्या नवीन प्रोमोमध्ये, बिग बॉसने सर्व स्पर्धकांसाठी अनोखा टास्क आणला आहे. ज्यामध्ये स्पर्धकांना स्वत:ची किंमत ठरवावी लागणार आहे.
प्रोमोमध्ये, बिग बॉस म्हणतो, “आज आपल्याला ठरवावी लागणार आहे स्वतःची या घरातील किंमत”, असं म्हणत ‘बिग बॉस’ काही रकमा लिहिलेल्या पाट्या स्पर्धकांसमोर ठेवतात. यावेळी अभिजीत स्वतःच मत देत म्हणतो, “२ लाख मी अंकिताला देईन”. यावर निक्की अभिजीतला विचारते, “आणि जान्हवीला चाळीस देणार आहेस का?”. यावर अभिजीत म्हणतो, “माझ्याकडे काहीच पर्याय नाही आहे”. तेव्हा डीपीही अभिजीतला बोलतो की, “मलाही असंच वाटतंय की तू ती गोष्ट करावी”.
हे ऐकून जान्हवी प्रचंड चिडते आणि म्हणते, “‘बिग बॉस’ या घरातील माझी चाळीस हजाराची किंमत माझी नाही आहे. त्यामुळे ही पाटी मी स्वीकारु शकणार नाही”. पुढे जान्हवी रागात ती पाटी फाडते. यामुळे आजच्या भागात कोणत्या सदस्याला किती किंमत मिळणार हे पाहणं औत्सुक्याचे असेल.
सकाळ+चे सदस्य व्हा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
