Bigg Boss Marathi 5 Grand Finale : ग्रँड फिनालेसाठी टॉप ६ स्पर्धक निश्चित; विजेता, उपविजेताही ठरला?

बिग बॉस मराठी पाचव्या पर्वाला २८ जुलैपासून सुरूवात झाली होती. यावेळी तब्बल १६ स्पर्धक बिग बॉसच्या घरात सहभागी झाले होते. बिग बॉसच्या घरात स्पर्धकांचा एकमेकांसोबतचा राडा, मैत्री, प्रेम असा खेळ पाहायला मिळाला. बिग बॉसच्या या सीझनमध्ये अनेक लक्षवेधी घटना घडल्या ज्यामुळे हा शो कायमच चर्चेत राहिला. अशातच बिग बॉसच्या खेळ लवकरच संपणार आहे. आता बिग बॉस मराठीच्या प्रेक्षकांना टॉप ६ स्पर्धक मिळाले आहेत.

निक्की तांबोळी, अभिजीत सावंत, धनंजय पोवार, सूरज चव्हाण, जान्हवी किल्लेकर, अंकिता वालावलकर हे टॉप ६ स्पर्धक बिग बॉस मराठीच्या पाचव्या सीझनचे फानलिस्ट ठरले आहेत. हे स्पर्धक आता अंतिम फेरीपर्यंत पोहचले आहेत. त्यामुळे आता या ६ जणांपैकी ट्रॉफी कोण उचलणार याची उत्सुकता प्रेक्षकांना लागून राहिली आहे. ६ ऑक्टोबर रोजी बिग बॉस मराठीचा ग्रँड फिनाले होणार आहे. या दिवसाची सर्वचजण आतुरतेने वाट पाहत आहेत.

'बिग बॉस मराठी'च्या या सीझनचा ग्रँड फिनाले जल्लोषात पार पडणार आहे. ग्रँड फिनालेचं काऊंटडाऊन सुरू झाल्याने प्रेक्षकांची उत्सुकता आता शिगेला पोहोचली आहे. 6 ऑक्टोबरला या सीझनचा कोण विजेता होणार आणि 'बिग बॉस मराठी'च्या मानाच्या ट्रॉफीवर कोण आपलं नाव कोरणार याकडे आता सर्वांचं लक्ष लागलं आहे. महाराष्ट्राच्या जनतेला 'बिग बॉस मराठी'च्या माध्यमातून मनोरंजनाची नवी पर्वणी मिळाली. अशातच आता 'बिग बॉस मराठी'ची सांगता होताच 'बिग बॉस हिंदी'च्या नव्या सीझनचा धमाका सुरू होणार आहे.