Ankita walawalkar : 'माझ्याकडे पैशांचं झाड नाही...' कोकण हार्टेड गर्लनं कुणाला सुनावले?

बिग बॉस फेम 'कोकण हार्टेड गर्ल' कायमच कोणत्या ना कोणत्या कारणामुळे चर्चेत असते. ती एक व्यावसायिका देखील आहे. अंकिता प्रभू वालावलकरचा (Ankita Prabhu Walawalkar) सोशल मीडियावर मोठा चाहता वर्ग आहे. तिचे इन्स्टाग्रामवर 1.1 मिलियन फॉलोअर्स आहेत. तसेच अंकिताचे एक युट्यूब चॅनल देखील आहे.

युट्यूब चॅनलच्या माध्यमातून ती चाहत्यांशी खूप कनेक्ट राहते. अनेक गोष्टींवर आपली मते मांडत असते. अलिकडेच तिने बेटिंग ॲप्स आणि ऑनलाइन स्कॅम संबंधित एक व्हिडिओ शेअर केला आहे. तिने युट्यूबवर शेअर केलेल्या व्हिडिओमध्ये सांगितले की, "मी बेटिंग ॲप्स प्रमोट करत नाही. मात्र अनेक लोक त्यात पैसे गुंतवतात आणि खूप वेळा फसतात आणि माझ्याकडे आर्थिक मदत मागतात. पण माझ्याकडे पैशांचे झाड नाही आहे."

पुढे अंकिता म्हणाली की, "आजकाल मोबाईलवरून होणाऱ्या फ्रॉडचे प्रमाण वाढले आहे. अनेक वेळा पॉलिसी, बँकेच्या अकाउंटच्या नावाखाली फोन करून ओटीपी मागितला जातो. मला आर्थिक मदतीसाठी अनेक वेळा मेल्स, फोन येतात आणि माझ्या मॅनेजरला त्रास दिला जातो. फोनवर ८० हजार रुपयांची मदत मागितली जाते. कारण त्यांचे पैसे बेटिंग ॲपमध्य गेले."

शेवटी अंकिता बोलते की, "माझ्याकडे अशी पैशांची अपेक्षा करू नका आणि मॅनेजरलाही त्रास देऊ नका. मी कोणत्याही बेटिंग ॲपमध्ये पैसे हरल्यावर मदत करत नाही. असे रोखठोक उत्तर अंकिताने त्रास देणाऱ्यांना दिले. " अंकिता प्रभू वालावलकर कायमच परखडपणे मते मांडण्यासाठी ओळखली जाते. बिग बॉसमुळे अंकिताला खूप लोकप्रियता मिळाली.