Bigg Boss Marathi Grand Finale: कोकण हार्टेड गर्ल बिग बॉसच्या घरातून बाहेर, प्रेक्षकांचे मानले आभार..

बिग बॉस मराठीच्या ५व्या सीझनच्या ग्रँड फिनालेला सुरुवात झाली आहे. बिग बॉस मराठीच्या ५व्या सीझनला प्रेक्षकांकडून भरभरुन प्रतिसाद मिळाला आहे. यंदाच्या बिग बॉस मराठीची होस्टिंग बॉलिवूड अभिनेता रितेश देशमुख याने केले आहे.

प्रेक्षकांकडून रितेश देशमुख याच्या होस्टिंगला भरपूर पसंती दिली आहे. तब्बल २ आठवड्यानंतर रितेश देशमुखने भाऊच्या धक्क्यावर धमाकेदार एन्ट्री मारली होती.

बिग बॉसच्या घरातून ५व्या क्रमांकावर कोकण हार्टेड गर्ल म्हणजेच अंकिता वालावलकर बिग बॉसच्या घरातून बाहेर पडली आहे. अंकिता बिग बॉसच्या घरातून बाहेर आल्यावर सर्व प्रेत्क्षकांचे तिने आभार मानले आहे. त्यादरम्यान बिग बॉसकडून अंकिताला गिफ्च हँपर देण्यात आहे.

बिग बॉसच्या ५व्या सिझनचा विजेता नेमकं कोण होणार याकडे प्रेक्षकांचे लक्ष लागले आहे. अशा परिस्थितीमध्ये रितेश देशमुख यांच्याकडून घरातील सर्व सदस्यांचे कौतुक करण्यात येत आहे. आता घरामध्ये ४ सदस्य राहिले आहेत यामधून कोण बिग बॉसची ट्रॉफी जिंकमार याकडे सर्वांचे लक्ष लागले आहे.

Edited By: Nirmiti Rasal