'बिग बॉस 19' मध्ये होस्ट बदलण्यात आला आहे.
तिसऱ्या आठवड्यात सलमान खान 'वीकेंड का वार' होस्ट करणार नाही.
'वीकेंड का वार' सुपरस्टार अक्षय कुमार होस्ट करणार आहे.
'बिग बॉस 19'मध्ये (Bigg Boss 19) प्रत्येक दिवशी नवीन राडा पाहायला मिळत आहे. घरात प्रत्येक गोष्टीवरून सदस्यांमध्ये भांडण होताना दिसत आहे. तिसऱ्या आठवड्यात 'बिग बॉस 19'च्या घरातून कोण बाहेर जाणार, याकडे सर्वांचे लक्ष लागून आहे. अशात आता सोशल मीडियावर वेगळीच चर्चा सुरू झाली आहे. मीडिया रिपोर्टनुसार, सलमान खान (Salman Khan ) तिसऱ्या आठवड्याच्या 'वीकेंड का वार'चे होस्टिंग करणार नाही आहे.
सलमान खानच्या जागी बॉलिवूडचे दोन सुपरस्टार 'बिग बॉस 19'मध्ये एन्ट्री घेऊन 'वीकेंड का वार' गाजवणार आहेत. मीडिया रिपोर्टनुसार, 13 सप्टेंबर आणि 14 सप्टेंबरचा 'वीकेंड का वार' अक्षय कुमार (Akshay Kumar ) आणि अरशद वारसी (Arshad Warsi ) होस्ट करणार आहेत. 'जॉली LLB 3' ( Jolly LLB 3) चित्रपटातील कलाकार 'बिग बॉस 19'च्या स्टेजवर कसा धुमाकूळ घालतात हे पाहणे मनोरंजक ठरणार आहे. तर दुसरीकडे 'बिग बॉस 19'मध्ये या आठवड्यात सलमान खान दिसणार नसल्यामुळे चाहते नाराज आहेत.
सलमान खान त्याचा आगामी चित्रपट 'बॅटल ऑफ गलवान'मुळे व्यस्त आहे. चित्रपटाचे शूटिंग लडाखमध्ये आहे. त्यामुळे भाईजान 'बिग बॉस 19'मध्ये दिसणार नाही. 'बॅटल ऑफ गलवान' चित्रपटात भारतातील एका युद्धाची कहाणी दाखवण्यात येणार आहे. लडाखच्या गलवान व्हॅली घडलेला हा संघर्ष पाहण्यासाठी चाहते उत्सुक आहेत.
'जॉली एलएलबी 3' मध्ये अक्षय कुमार आणि अरशद वारसीने (Arshad Warsi) वकिलाच्या भूमिकेत पाहायला मिळणार आहे. अक्षय कुमारचा 'जॉली एलएलबी 3' हा चित्रपट 19 सप्टेंबर 2025ला रिलीज होणार आहे.'जॉली एलएलबी 3' चे दिग्दर्शन सुभाष कपूर यांनी केले आहे. 'जॉली एलएलबी 2' हा चित्रपट 2017 ला प्रेक्षकांच्या भेटीला आला होता.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.