Varun Tej-Lavanya Tripathi : वरुण तेज-लावण्या त्रिपाठीला पुत्ररत्न, आजोबा चिरंजीवी यांची नातवासाठी खास पोस्ट

साऊथ सुपरस्टार अभिनेता वरुण तेज कोनिडेला (Varun Tej ) आणि अभिनेत्री लावण्या त्रिपाठी (Lavanya Tripathi) यांनी चाहत्यांना आनंदाची बातमी शेअर केली आहे. त्यांच्या घरी गोंडस पाहुण्याचे स्वागत झाले आहे. लावण्या त्रिपाठीने गोंडस बाळाला जन्म दिला आहे.

वरुण तेज कोनिडेला आणि लावण्या त्रिपाठी आई-बाबा झाले आहेत. त्यांना पहिला मुलगा झाला आहे. त्यामुळे सध्या वरुण तेज कोनिडेला आणि लावण्या त्रिपाठी यांच्यावर शुभेच्छांचा आणि कौतुकाचा वर्षाव होत आहे. वरुण तेज कोनिडेलाने ही आनंदाची बातमी सोशल मीडियावर पोस्ट करून चाहत्यांना दिली आहे. पोस्टमध्ये वरुण तेज कोनिडेला, लावण्या त्रिपाठी आणि त्यांचे बाळ दिसत आहे. त्यांनी या पोस्टला खूप खास कॅप्शन दिले आहे. त्याने लिहिले की, "Our little man"

लावण्या त्रिपाठीने 10 सप्टेंबरला मुलाला जन्म दिला आहे. वरुणचे काका साऊथचे जेष्ठ सुपरस्टार चिरंजीवी हे (chiranjeevi ) आता आजोबा झाले आहेत. त्यांनी देखील बाळाचे सुंदर स्वागत केले आहे. त्यांनी बाळ आणि वरुणसोबत एक छान फोटो शेअर करून चाहत्यांना आनंदाची बातमी दिली आहे.

चिरंजीवी यांनी कॅप्शनमध्ये लिहिलं की,"बाळा तुझे या जगात स्वागत आहे. कोनिडेला कुटुंबातील बाळाचे हार्दिक स्वागत. वरुण तेज आणि लावण्य त्रिपाठी पालक झाल्याबद्दल तुमचे मनापासून अभिनंदन. नागाबाबू आणि पद्मजा खूप आनंद झाला आहे. तुम्हाला आजी-आजोबा म्हणून बढती मिळाली आहे. बाळाला आनंद, आरोग्य आणि भरपूर आशीर्वाद मिळोत अशी शुभेच्छा.तुमचे प्रेम आणि आशीर्वाद नेहमीच आमच्या मुलाला पाठीशी राहू दे."

वरुण तेज कोनिडेला आणि लावण्या त्रिपाठी यांनी 2023 मध्ये लग्नगाठ बांधली आणि 2025 मध्ये आपल्या पहिल्या बाळाला जन्म दिला आहे. सध्या मनोरंजनसृष्टीतून वरुण तेज कोनिडेला, लावण्या त्रिपाठी आणि चिरंजीवी यांच्यावर अभिनंदनाचा वर्षाव होत आहे.