'बिग बॉस 18' चा (Bigg Boss 18) गेम दिवसेंदिवस अधिकच मनोरंजक होत जात आहे. या आठवड्यात तिसरा 'वीकेंड का वार' पार पडणार आहे. वीकेंड का वारला कोण घरातून बाहेर जाणार याकडे प्रेक्षकांचे लक्ष लागून आहे.
बिग बॉसच्या तिसऱ्या आठवड्यात चाहत पांडे, तजिंदर सिंग आणि मुस्कान बामने यांची नावे नॉमिनेशनमध्ये होती. बिग बॉसने घरातील सदस्यांना कोण घरातून गेल पाहिजे असे विचारण्यात आलं तेव्हा सर्वांनीच मुस्कानचं नाव घेतलं. बिग बॉसच्या गेमनुसार ज्या सदस्यांचे नाव जास्त वेळा इतर सदस्यांकडून घेतले जाणार त्या स्पर्धकाला बिग बॉसच्य घरातून बाहेर पडाव लागते. यामुळे बिग बॉसच्या घरातून या आठवड्यात मुस्कान बामने (Muskan Bamne) घराबाहेर पडली. मुस्कान घराबाहेर पडल्यामुळे अनेक नेटकऱ्यांना देखील आनंद झाला आहे. त्यांच्यामते ती गेममध्ये सक्रिय नव्हती.
'वीकेंड का वार' ला सलमान खान (Salman Khan) अविनाश मिश्रा (Avinash Mishra) आणि करणवीर मेहराची (Karan Veer Mehra) शाळा घेताना पाहायला मिळणार आहे. कारण या दोघांनी बिग बॉसच्या घरात शिवीगाळ केली होती. सलमान खान अविनाशला रागवताना पाहायला मिळत आहे. सलमान रागवून अविनाशला बोलतो की, "तू घराचा देव आहेस का? तुझे नाव अविनाश आहे पण तू स्वतःचा नाश करशील..." 'वीकेंड का वार'ला सलमान खान अजून कोणाची शाळा घेणार हे पाहणे मनोरंजक ठरणार आहे. चाहते 'वीकेंड का वार'साठी नेहमीच आतुर असतात.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.