Bigg Boss 18 : तुम्ही कोर्टातही असंच बोलता का? तृप्ती डिमरीने थेट सदावर्तेंना केला सवाल

सलमान खानच्या बिग बॉसचे मोठे चाहते पाहायला मिळतात. यंदा बिग बॉस 18चं (Bigg Boss 18) होस्टिंग सलमान खान (salman khan) करत आहे. नुकताच घरात 'वीकेंड का वार' पार पडला. पहिल्याचं वीकेंडच्या वारमध्ये अनेक सेलिब्रिटी पाहायला मिळाले आहेत. भारती सिंगने आपल्या कॉमेडीची जादू बिग बॉसच्या घरात करताना पाहायला मिळाली आहे.

'बिग बॉस 18' सध्या सर्वत्र गाजत आहे. नुकताच घरात पहिला 'विकेंड का वार' पार पडला आहे. यात अनेक सेलिब्रिटींनी हजेरी लावली आहे. यात 'बिग बॉस'च्या शोवर बॉलिवूड अभिनेत्री तृप्ती डिमरी (Tripti Dimri) आणि अभिनेता राजकुमार राव देखील आपली हजेरी लावतात. तृप्ती डिमरी नेहमीच तिच्या लूकमुळे चर्चेत असेत. तिचा सोशल मीडियावर मोठा चाहता वर्ग आहे. तृप्ती डिमरीला खरी प्रसिद्धी ॲनिमल या चित्रपटामुळे मिळाली.

तेव्हा बिग बॉसच्या घरात तृप्ती आणि गुणरत्न सदावर्ते यांच्यात मजेशीर संवाद होतो. ज्यामुळे सर्वजण हसू लागतात. तृप्ती डिमरी थेट गुणरत्न सदावर्ते यांना प्रश्न करते की, "तुम्ही कोर्टातही असेच बोलता का?" यावर सदावर्ते यांनी खूप मजेशीर उत्तर दिलं आहे. ते म्हणतात की,"अगली तारीख में हमारा भी किरदार देखिये" गुणरत्न सदावर्ते हे असे बोलताच सर्वजण हसू लागतात.

बिग बॉसच्या पहिल्या दिवसापासून गुणरत्न सदावर्ते हे आपल्या वक्तव्याने संपूर्ण घर गाजवत आहेत. त्यांनी आपल्या पाळीव गाढवासोबत बिग बॉसच्या घरात एन्ट्री केली. आता पुढे गुणरत्न सदावर्ते हे बिग बॉसच्या घरात काय धुमाकूळ घालणार याकडे प्रेक्षकांचे लक्ष लागून आहे.