Bigg Boss 17: 'फॅमिली शो असा असतो का?', कॅमेऱ्यासमोर ईशा आणि समर्थने केले लिपलॉक, व्हिडीओ पाहून नेटिझन्स संतप्त

Isha Malviya And Samarth Jurel:

छोट्या पडद्यावरील प्रसिद्ध आणि तितकाच वादग्रस्त रियालिटी शो 'बिग बॉस 17' (Bigg Boss 17) सध्या चांगलाच चर्चेत आहे. बिग बॉसच्या घरातील सदस्य प्रेक्षकांचे चांगले मनोरंजन करत आहेत. या शोमधील काही स्पर्धक असे आहेत जे प्रेक्षकांची डोकेदुखी बनत चालेल आहेत.

यामधीच स्पर्धक म्हणजे ईशा मालवीय, समर्थ जुरेल आणि अभिषेक कुमार यांचा लव्ह ट्रँगल. सध्या यांच्यामुळे हा शो चांगलाच चर्चेत आहे. या शोमधील तिघांची गोंधळवून टाकणारी लव्हस्टोरी पाहून प्रेक्षकही आश्चर्यचकित झाले आहे. ('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

वीकेंड का वारमध्ये सलमान खानने ईशा मालवीयला हा लव्ह ट्रँगल वापरल्याबद्दल चांगलेच सुनावले. याचदरम्यान सलमानने ईशाचा गेम प्लॅन उघड केला आणि सांगितले की समर्थ आणि अभिषेकने तिच्या मागे भांडावे अशी तिची इच्छा आहे. सलमानने फटकारल्यानंतर आता ईशा मालवीय आणि समर्थ जुरेल यांचा एक व्हिडिओ समोर आला आहे. जो सध्या सोशल मीडियावर चांगलाच व्हायरल होत आहे. या व्हिडिओवरून नेटिझन्स चांगलेच संपातले आहेत.

'बिग बॉस 17' च्या या व्हायरल व्हिडिओमध्ये, ईशा मालवीय आणि समर्थ जुरेल रात्रीच्या अंधारात 100 कॅमेरे लावलेल्या बिग बॉसच्या घरामध्ये लिप लॉक करताना दिसत आहेत. व्हायरल होत असलेल्या या व्हिडिओमध्ये ईशा मालवीय आणि समर्थ जुरेल एकाच बेडवर झोपलेले दिसत आहे. दोघेही एकमेकांना किस करताना दिसत आहे. ईशा आणि समर्थचा हा एकच व्हिडीओ नाही असे अनेक व्हिडीओ आहे ज्यामध्ये ते यापूर्वी एकमेकांसोबत रोमान्स करताना दिसले आहेत. पण आता समोर आलेल्या या व्हिडीओवरून या दोघांनी सर्व सीमा ओलांडल्या असल्याचे दिसत आहे. त्यामुळे नेटिझन्स तीव्र प्रतिक्रिया देत आहेत

बिग बॉसचा होस्ट सलमान खान नेहमीच 'बिग बॉस'चे कौटुंबिक शो असे वर्णन करतो. जेव्हा हा शो OTT वर प्रसारित झाला तेव्हा सलमान म्हणाला होता की, हा एक कौटुंबिक शो राहील याची मी पूर्णपणे काळजी घेईल. कोणत्याही स्पर्धकाने मर्यादा ओलांडू नये किंवा गैरवर्तन करू नये असे तो वारंवार सांगतो. पण आता बिग बॉस 17 मध्ये वेगळ्याच गोष्टी पाहायला मिळत आहे. ज्या दिवसापासून हा शो सुरू झाला आहे तेव्हापासून स्पर्धक टास्क खेळताना दिसत नाहीत. हा शो लव्ह शोसारखा झाला आहे. या शोमध्ये नवरा-बायकोची भांडणं, गर्लफ्रेंड- बॉयफ्रेंडचे रुसवे-फुगवे पाहायला मिळत आहेत. त्यामुळे आता प्रेक्षक चांगलेच रागावले आहेत.

ईशा मालवीय आणि समर्थ जुरेलच्या या किसिंग व्हिडिओवर नेटिझन्सनी संतप्त कमेंट्स केल्या आहेत. एका यूजरने लिहिले की, 'फॅमिली शो असा असतो का?' तर दुसर्‍या यूजरने लिहिले की, 'ईशाइतकी इमेज घरातील इतर कोणत्याही सदस्याने खराब केली नाही.' तर तिसर्‍या युजरने लिहिले, 'बेशरम लोक. जरा मोठे व्हा.' आणखी एका युजरने ईशा आणि समर्थसाठी लिहिले, 'किती निर्लज्ज आहेत?'