Big Boss Marathi 5: 'गुलिगत' सूरजची बिग बॉसच्या घरात झाली फजिती, सोशल मीडियावर Video Viral

बिग बॉस मराठी सीझन ५च्या सातव्या आठवड्याला सुरुवात झाली असून या आठवड्यात घरामध्ये एका नव्या पाहुण्याची एन्ट्री झाली आहे. हा सदस्य सहा वेळा 'मिस्टर इंडिया', तर पाच वेळा 'महाराष्ट्र श्री'चा मानकरी ठरला होता.या सदस्याचे नाव संग्राम चौगुले असून याची बिग बॉस मराठीमध्ये वाईल्ड कार्ड एन्ट्री झाली आहे. संग्रामच्या एन्ट्रीपूर्वी घरातील सदस्यांमध्ये नेमकं कुणाची एन्ट्री होणार याबद्दल उत्सुकता निर्माण झाली होती.

सूरजचा चव्हान उर्फ गुलिगतचा सोशल मीडियावर एक व्हिडिओ व्हायरल होतोय.व्हायरल झालेल्या व्हिडिओमध्ये घरातील सर्व सदस्य सूरजची खिल्ली उडवताना दिसत आहेत.व्हायरल व्हिडिओमध्ये सूरज वैभवला म्हणतो की,"वाईल्ड कार्ड एन्ट्री म्हणून कोणी तर मुलगी आली पाहिजे." त्यावर वैभव अंकिताला म्हणतो की, " बघ सुरज म्हणाला की वाईल्ड कार्ड एन्ट्री एखाद्या मुलीची झाली तर बरं होईल ना."

यामुळे सर्व सदस्य खळखळून हसतात. त्यानंतर अंकिता सुरजला म्हणते की," बाबा तु चुकीचा गेम समजतोय. तु जरा थंड घे." त्यानंतर पॅडी दादाला हाक मारत सुरजच्या ''याला समजवा हा चुकीचा गेम खेळू लागलाय.'' असं म्हणते. त्यानंतर अंकिता सूरजची अॅक्टिंग करते आणि त्याने बोलले वाक्य परत बोलते, "कोणी तर पोरगी आली पाहिजेल" असं बोलते. त्यावर पॅडी सूरजला विचारतो "जर कोणी मुलगी आली तर तु पटवशील का?" त्यावर सूरज लाजत लाजत म्हणतो की, "हो चालेल", असं बोलताच पॅडी आणि सुरजमध्ये पैज लागते. त्यावर डीपी दादा सूरजला सपोर्ट करतात म्हणतो की "तुला मुलगी पटवायला आणि तुझं प्रेम प्रकरण सुरू होण्यासाठी मी तुला मदत करीन." यानंतर सर्व सदस्य खळखळून हसतात.

सूरजच्या या व्हिडिओला प्रेक्षकांकडून भरपूर पसंती मिळाली आहे. मागील काही आठवड्यांपासून सूरज टास्क दरम्यान आक्रमक भूमिकेत दिसतो.यंदाच्या बिग बॉस मराठीच्या प्रत्येक भागामध्ये नविन ट्विस्ट पाहायला मिळत आहेत.दुसरीकडे प्रेक्षकांना वाईल्ड कार्ड एन्ट्री नेमकं कोणाची होणार याची उत्सुकता लागली होती.मात्र संग्रामच्या येण्यामुळे आता घरामध्ये पुन्हा नवे राडे पाहायला मिळणार का? आणि घरातील सदस्य संग्रामसोबत नेमकं कसे टास्क खेळणार हे पाहाणं रंजक ठरणार आहे.

Edited By : Nirmiti Rasal