Big Boss Marathi 5: ‘बिग बॉस मराठी’च्या घरात "अशी ही बनवा बनवी", आठवडाभर सदस्यांची होणार तारेवरची कसरत

'बिग बॉस मराठी'चा नवा सीझन सुरू होऊन आता ३६ दिवस उलटले आहेत. बिग बॉस मराठीच्या घरामध्ये सदस्यांमधील राडे पाहायला मिळत आहेत. बिग बॉस मराठी शोचा आता सहावा आठवडा सुरू झाला आहे. गेल्या आठवड्यात सदस्यांची चांगलीच झोप उडाली. भाऊच्या धक्क्यावर रितेश भाऊंनी सगस्यांची चांगलीच शाळा घेतल्याचं पाहायला मिळावं होतं.

बिग बॉसच्या घरामध्ये दररोज नव्या गोष्टी घडत असतात. गोल्या आठवड्याभरात सदस्यांचे अनेक ड्रामे पाहायला मिळाले. कालच्या भाऊच्या धक्क्याच्या भागामध्ये रितेश भाऊंनी सदस्यांची बोलतीच बंद केली होती. घरातून बाहेर जाण्यााठी वर्षा उसगावर आणि अंकिता वालावलकर या दोघी बॉटम २ मध्ये होत्या. परंतु गेल्या आठवड्यात वोटींग लाईन्स बंद असल्यामुळे कोणीही सदस्य घराबाहेर पडलं नाही.

रितेश भाऊंनी भाऊच्या धक्क्याच्या भागामध्ये सर्व सदस्यांना हा आठवडा सर्व सदस्यांसाठी अत्यंत कठिण असेल असे सांगीतले. सर्व सदस्यांसाठी हा आठवडा आव्हानात्मक आणि तारेवच्या कसरतीचा असणार आहे. आता घरातील सदस्यांसाठी हा आठवडा कसा रंगणार याकडे प्रेक्षकांचं लक्ष लागलं आहे.'बिग बॉस मराठी'चा नवा प्रोमो प्रदर्शित झाला आहे. प्रोमोमध्ये बिग बॉस प्रेमींच्या चेहऱ्यावर नक्कीच हसू येईल.

प्रोमोमध्ये डीपी दादा वैभव झालेले दिसत आहेत, जान्हवी निक्की आणि सूरज अरबाजच्या भूमिकेत गेलेला पाहायला मिळत आहे. तिघेही आपली भूमिका उत्तम वठवत आहेत. तिघांचा अभिनय पाहताना प्रेक्षकांना मात्र हसू अनावर होणार आहे.'बिग बॉस मराठी'च्या या आठवड्यात सदस्यांसमोर कोणतं नवं आव्हान उभं ठाकणार? सदस्य यातून कसा मार्ग काढणार याकडे सर्वांचच लक्ष लागलं आहे. सहाव्या आठवड्यात नक्की काय घडणार हे पाहावे लागेल.