Bhojpuri Actress Akanksha Dubey: सिनेसृष्टीवर शोककळा, वयाच्या २५व्या वर्षी अभिनेत्री आकांक्षाने संपवले जीवन

Akanksha Dubey End Her Life: भोजपुरी अभिनेत्री आकांक्षा दुबेने बनारस येथील एका हॉटेलमध्ये आत्महत्या केली आहे. सारनाथ पोलीस ठाण्याच्या हद्दीत असलेल्या सौमेंद्र हॉटेल मध्ये तिने फास लावून स्वतःचे जीवन संपवल्याचे सांगण्यात येत आहे. भोजपुरी इंडस्ट्रीतील ती एक नावाजलेले व्यक्तिमत्व होते.

आकांक्षाने 'वीरों के वीर' आणि 'कसम पैदा करनेवाले की २'मध्ये काम केले आहे. अभिनेत्रीने इतके टोकाचे पाऊल का उचलले हे अद्याप समजलेले नाही. बनारस येथे आकांक्षा चित्रपटाच्या शूटिंगसाठी केली होती.

रविवारी आकांक्षा गळफास लावलेल्या अवस्थेत आढळली. शनिवारी रात्री आकांक्षाने इन्स्टाग्रामवर एक व्हिडिओ शेअर केला होता. भोजपुरी इंडस्ट्रीसाठी ही एक दुःखद बातमी आहे. तिच्या जाण्याने सर्वांना धक्का बसला आहे.

आकांक्षा दुबेने व्हायच्या १७व्य वर्षांपासूनच भोजपुरी चित्रपटांमध्ये काम करण्यास सुरुवात केली होती. दिग्दर्शक आशी तिवारी यांच्या काही चित्रपटांमध्ये तिने काम केले. तिला अनेकदा रिजेक्शनचा सामना करावा लागला. २०१८मध्ये आकांक्षा डिप्रेशनमध्ये गेली. त्यानंतर ती चित्रपटांपासून दूर गेली. इंडस्ट्रीत नवीन कलाकाराला देण्यात आलेल्या वागणुकीमुळे ती खचली होती.

या कठीण काळी तिच्या आईने तिला साथ दिली. त्यामुळे तिने पुन्हा काम करण्यास सुरूवात केली. चित्रपटांव्यतिरिक्त तिने अनेक म्युजिक व्हिडिओमध्ये देखील काम केले आहे. २०२१ साली आलेले आकांक्षाचे गाणे 'तुम जवान हम लाइका' ब्लॉकब्लस्टर झाले होते.