Kevin Conroy Dies: बॅटमॅनचा आवाज हरपला: अभिनेते केविन कॉनरॉय यांचे वयाच्या ६६व्या वर्षी निधन

Batman Actor Kevin Conroy Dies: अभिनेता आणि व्हॉईसओव्हर आर्टिस्ट केविन कॉनरॉय यांच्याविषयी एक दुःखद बातमी समोर आली आहे. वयाच्या ६६ व्या वर्षी केविन कॉनरॉय यांनी जगाचा निरोप घेतला आहे. केविन कॉनरॉय यांच्या मृत्यूची माहिती त्याची सहकलाकार डायन पर्शिंग यांनी दिली आहे. वॉर्नर ब्रदर्स अॅनिमेशननेही केविन कॉनरॉय यांच्या मृत्यूच्या वृत्ताला दुजोरा दिला आहे.

केविन यांना कॅन्सर झाला होता. बरेच दिवस ते या आजाराशी झुंज देत होतो. केविन कॉनरॉय यांच्या जाण्याने त्यांच्या चाहत्यांना दुःख झाले आहे. केविन यांच्या मृत्यूनंतर वॉर्नर ब्रदर्सनेही इंस्टाग्रामवर एक पोस्ट केली आहे. या पोस्टमध्ये वॉर्नर ब्रदर्सनेही केविन यांच्या आठवणींना उजाळा दिला आहे. केविन यांचा को-स्टार मार्क हॅमिल यांनीही त्यांच्या भावना व्यक्त करत म्हटले आहे की, 'केविन एक परफेक्शनिस्ट होता. तो या जगातील माझ्या आवडत्या लोकांपैकी एक होता. मी त्याच्यावर भावासारखे प्रेम केले. जवळच्या माणसांची तो काळजी घेत असे. त्याच्या प्रत्येक गोष्टीत त्याची शालीनता दिसून आली. मी जेव्हा कधी त्याला भेटायचो किंवा बोलायचो तेव्हा मला उत्साहित वाटायचे.' (Hollywood)

'केविन मनाने एक अद्भुत व्यक्ती होता. सगळेजण त्याच्याशी लगेच कनेक्ट व्हायचे. म्हणूनच त्याच्या जाण्याने सगळ्यांना खूप वाईट वाटत आहे.' असे म्हणत बॅटमॅन: अॅनिमेटेड मालिकेचे लेखक पॉल डिनी यांनी केविन कॉनरॉय यांना श्रद्धांजली वाहिली आहे. सोशल मीडियावर प्रत्येकजण आपापल्या परीने केविनच्या आठवणींना उजाळा देताना दिसत आहे. (Social Media)

केविन कॉनरॉय यांनी 80 च्या दशकात अॅक्शन हिरो म्हणून करिअरला सुरुवात केली होती. ते केवळ एक चांगला अभिनेतेच नव्हे तर जगातील सर्वोत्तम व्हॉईसओव्हर आर्टिस्टपैकी एक होते. तसेच त्यांनी बॅटमॅन: द अॅनिमेटेड सिरीज या प्रसिद्ध मालिकेला आवाज दिला होता. तेव्हा ब्रूस वेन उर्फ ​​बॅटमॅन अशीच सर्वत्र चर्चा होत होती. केविन कॉनरॉय आता या जगात नसेल, तरी त्यांचा आवाज चाहत्यांमध्ये नेहमीच राहील. (Actor)