Virat Anushka Good News : मुलगी वामिकानंतर विराट-अनुष्काच्या आयुष्यात आणखी एक आनंदाचा क्षण

मुंबई : बॉलिवूडची प्रसिद्ध अभिनेत्री अनुष्का शर्मा(Anushka Sharma) आणि तिचा पती क्रिकेटपटू विराट कोहली(Virat Kohli) आता मुंबईजवळील अलिबाग परिसरात आलिशान आठ एकरच्या जमिनीचे मालक बनले आहेत. ही जमीन अलिबागमधील जिराड या गावाजवळ ८ एकर जागेवर पसरलेले आहे. मीडिया रिपोर्ट्सनुसार, या कपलने मालमत्ता घेण्यासाठी सुमारे १९.२४ कोटी रुपये खर्च केले आहेत.

मीडिया रिपोर्टनुसार या कपलने या जमिनीसाठी सरकारला १.१५ कोटी रुपये टॅक्स भरला आहे. विराटचा भाऊ विकास कोहलीने गणेश चतुर्थीच्या एक दिवस आधी हा व्यवहार पूर्ण केला. विराट कोहली सध्या दुबईत असून आशिया कपमध्ये टीम इंडियाकडून खेळत आहे. या व्यवहाराची देखरेख 'समीरा हॅबिटॅट्स' या प्रसिद्ध रिअल इस्टेट कंपनीने केली होती. शाहरुख खानची देखील अलिबागमध्ये एक मोठी मालमत्ता आहे, जिथे तो अनेकदा आपल्या कुटुंब आणि मित्रांसोबत सुट्ट्यांचा आनंद लुटायला जात असतो.

अनुष्का आणि विराटने सहा महिन्यांपूर्वी या ठिकाणी भेट देऊन पाहणी केली होती. परंतू, विराटच्या बिजी शेड्यूलमुळे त्याला प्रत्यक्षात अलिबागमध्ये येऊन व्यवहार करता आला नाही. अलिबागमध्ये उद्योगपती तसेच चित्रपट अभिनेते आणि क्रिकेटपटू जमीन खरेदी करत आहेत. आता या यादीत विराट आणि अनुष्काचाही समावेश झाला आहे.

माजी क्रिकेटपटू, राष्ट्रीय प्रशिक्षक रवी शास्त्री यांनीही सुमारे दशकभरापूर्वी अलिबागमध्ये घर बांधले होते. यासोबतच अलिबागमध्ये क्रिकेटपासून बॉलिवूडपर्यंत अनेक स्टार्सची मोठी मालमत्ता आहे. शाहरुख खानपासून विराट कोहलीपर्यंत, अलिबाग हे सर्व सेलिब्रिटींच्या आवडत्या ठिकाणांपैकी एक आहे.