Amey Wagh and Sumeet Raghavan: ...पण वाघ मात्र एकच असतो; फेसबुक पोस्टमधून अमेय वाघचा सुमित राघवनवर निशाणा, नेमकं काय घडलं?

मुंबई: अमेय वाघ (Amey Wagh) हा मराठी चित्रपटसृष्टीतील नव्या पिढीतील आघाडीचा कलाकार समजला जातो. नेहमीच हटके पोस्ट आणि रंजक कॅप्शन यामुळे तो अधिकच चर्चेत आहे. सध्या त्याची एक फेसबूक पोस्ट (Social Media) खूपच चर्चेत आला आहे. यापूर्वी बऱ्याचदा त्याने केलेल्या पोस्ट चर्चेत आल्या आहेत. जसा त्याचा अभिनय त्याच्या चाहत्यांना आवडतो. तसेच पोस्टही खूप आवडतात आणि मुख्य गोष्ट म्हणजे त्यावर लाईक्स, कमेंट्सचा पाऊस पडतो. अमेयची सध्याची पोस्ट पाहता चाहत्यांपासून सोशल मीडियावर सर्वांनाच अभिनेता सुमित राघवन (Sumeet Raghavan) आणि अमेयमध्ये नक्की बिनसले तरी काय? असा प्रश्न पडला आहे.

सर्वात आधी अमेयची सर्वांनाच बुचकळ्यात टाकणारी पोस्ट केली आहे. अमेयने फेसबुकवर त्याच्या पोस्टमध्ये सुमितला सुद्धा टॅग केले आ्हे. अमेय पोस्टमध्ये म्हणतो, 'जंगलात राघू 'सुमित राघवन' खूप असतात पण वाघ मात्र एकच असतो. याची कृपया नोंद घ्यावी'. आता या पोस्टमध्ये दोघांचे काय बिनसले आहे हे पाहणे महत्वाचे ठरणार आहे. अनेक चाहत्यांनी कमेंट करत 'नेमका विषय काय आहे' असा सवाल उपस्थित केला आहे. सोबतच काहींनी अमेयवर टीकास्त्र ही सोडले आहे. एका युजर कमेंट करत बोलतो, 'तू पण आता पर्सनल चालू झालास का? घरोघरी मातीच्या चुली', एकाने विचारलं की, 'हा काय Attitude?'

अमेयने खरोखरच सुमितवर टीका (Amey Wagh and Sumeet Raghvan) करणारी पोस्ट केली आहे की यामागील वेगळे काही कारण आहे, हे कोडे अद्याप सुटलेले नाही. एखाद्या नव्या प्रोजेक्टच्या प्रमोशनचाही भाग असू शकतो. अमेय किंवा सुमित याविषयी आपल्या स्पष्टपणेही प्रतिक्रिया देत नाहीत. अद्यापही सोशल मीडियावर तर्कवितर्क लढवले जात आहेत. आता चाहत्यांना अमेयकडून काय स्पष्टीकरण येईल याची उत्सुकता लागलेली आहे.

Edit By: Chetan Bodke