Alia Bhatt Teached Telugu: ‘अंद्रिकी नमस्कारम...’; आलिया शिकवतेय हॉलिवूड सेलिब्रिटींना तेलुगू भाषा

Alia Bhatt Teaching Video: व्हायरल व्हिडीओमध्ये आलिया भट्ट हॉलीवूड अभिनेत्री गॅल गॅडोटला तेलुगू भाषा शिकवताना दिसत आहे.
Alia Bhatt Teaching Telugu To Gal Gadot
Alia Bhatt Teaching Telugu To Gal GadotSaam Tv
Published On: 

Alia Bhatt Teaching Telugu To Gal Gadot: सध्या बॉलिवूडमधील अनेक सेलिब्रिटी हॉलिवूडमध्ये डेब्यू करत आहेत. दीपिका पदुकोण, प्रियांका चोप्रा नंतर आलिया भट्ट देखील हॉलिवूडमध्ये डेब्यू करण्यासाठी सज्ज झाली आहे. येत्या ११ ऑगस्टला अभिनेत्रीचा ‘हार्ट ऑफ स्टोन’ हा हॉलिवूड चित्रपट प्रदर्शित होणार आहे.

सध्या या चित्रपटाची सर्वत्र जोरदार चर्चा सुरू आहे. दरम्यान अभिनेत्रीचा सोशल मीडियावर प्रमोशन दरम्यानचा एक व्हिडीओ चांगलाच व्हायरल होत आहे. या व्हायरल व्हिडीओमध्ये आलिया हॉलीवूड अभिनेत्री गॅल गॅडोटला तेलुगू भाषा शिकवताना दिसत आहे.

Alia Bhatt Teaching Telugu To Gal Gadot
Don 3 Teaser: अमिताभ, शाहरुखनंतर बॉलिवूडला मिळाला तिसरा डॉन, ‘डॉन ३’चा धमाकेदार टीझर प्रदर्शित

प्रमोशन दरम्यानच्या व्हायरल व्हिडीओत आलिया हॉलीवूड अभिनेत्री गॅल गॅडोट आणि अभिनेता जेमी डॉर्ननला तेलगू शिकवताना दिसत आहे. आलियाने ‘RRR’ चित्रपटात काम केलं होतं. त्यामुळे तिला काही प्रमाणात तेलुगू भाषा येते. चित्रपटाच्या प्रमोशन दरम्यान, आलिया गॅल गॅडोटला तेलुगू भाषा शिकवताना म्हणते, ‘अंद्रिकी नमस्कारम, मीकूना मुद्दुल्लू.’ म्हणजे ‘सर्वांना माझा नमस्कार आणि प्रेम’ असं त्याचा अर्थ होतो. सध्या आलियाचा हा तेलुगू भाषा शिकवतानाचा व्हिडीओ बराच व्हायरल होत आहे.

‘हार्ट ऑफ स्टोन’ चित्रपटात आलिया भट्टसोबत हॉलिवूड अभिनेत्री गॅल गॅडोट आणि हॉलिवूड अभिनेता जेमी डॉर्नन हे चेहरे देखील झळकणार आहेत. चित्रपटात आलियाने खलनायिकेचे पात्र साकारले असून तिने गॅल गॅडोटच्या गुप्तहेराचे पात्र साकारले. यामध्ये आलिया दिलेले मिशन पूर्ण करताना तिला कशा अडचणींचा सामना करावा लागतो, हे दिसणार आहे.

Alia Bhatt Teaching Telugu To Gal Gadot
KBC 15 Amitabh Bachchan Look: KBC च्या नवीन सीझनमध्ये अमिताभ बच्चन यांच्या लूकमध्ये होणार बदल, बिग बींचा नवीन लुक पहाच!

बहुप्रतिक्षित आणि बहुचर्चित या चित्रपटाची प्रेक्षक फारच आतुरतेने वाट पाहत होते. अखेर आता हा चित्रपट प्रदर्शनाकरिता सज्ज झाला आहे. या चित्रपटाची शूटिंग अभिनेत्रीने प्रेग्नेंसी दरम्यान केली असून तिचा हा पहिलाच हॉलिवूड चित्रपट आहे. सोबतच आलियाने ‘रॉकी और राणी की प्रेम कहाणी’या चित्रपटाची शूटिंग देखील प्रेग्नेंसीच्या काळातच पूर्ण केली होती. आलियाचा हा पहिला हॉलिवूड चित्रपट येत्या ११ ऑगस्टला ‘नेटफ्लिक्स’ या ओटीटी प्लॅटफॉर्मवर प्रदर्शित होणार आहे.

Alia Bhatt Teaching Telugu To Gal Gadot
India's Got Talent :सोलापूरच्या पठ्ठ्याने इंडियाज गॉट टॅलेंटमध्ये केला अनोखा विक्रम; आदित्यचे कौशल्य पाहून परिक्षकांनाही पडली भूरळ

आलियाच्या कामाबद्दल बोलायचे तर, नुकतीच आलिया ‘रॉकी और राणी की प्रेम कहाणी’ या चित्रपटात प्रेक्षकांसमोर झळकली होती. तिच्यासोबत या चित्रपटात रणवीर सिंह देखील आहे. अभिनेत्रीच्या या चित्रपटाने बॉक्स ऑफिसवर आता पर्यंत १०० कोटींचा पल्ला गाठला आहे.

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.