ऐश्वर्या-सलमान खान यांच्यात अजूनही 'दुरावा'; 'द कपिल शर्मा शो'मध्ये आलीच नाही

मुंबई: बॉलिवूडचं ऐश्वर्य म्हणजेच ऐश्वर्या राय-बच्चन (Aishwarya Rai) आणि दबंग अभिनेता सलमान खान ( Salman Khan)यांच्यातील 'दुरावा' अद्याप संपलेला नाही. पोन्नियिन सेल्वन या चित्रपटाचे बहुतेक कलाकार 'द कपिल शर्मा शो'मध्ये पाहुणे म्हणून उपस्थित राहिले होते. परंतु या सगळ्यात या चित्रपटाची अभिनेत्री ऐश्वर्या राय बच्चन कुठे दिसलीच नाही. त्यामुळे आता या चर्चांना उधाण आलं आहे.

पोन्नियिन सेल्वन हा चित्रपट या शुक्रवारी प्रदर्शित होणार आहे. मल्टिस्टार असलेल्या या चित्रपटाचे जोरदार प्रमोशन सुरू आहे. या चित्रपटातील कलाकार देशभर या चित्रपटाचे प्रमोशन करत आहेत. टेलिव्हिजनवरील सुप्रसिद्ध शो 'द कपिल शर्मा शो' या कार्यक्रमाला देखील या चित्रपटाच्या कलाकारांनी हजेरी लावली आहे. या कार्यक्रमात कलाकारांनी खूप धम्माल-मस्ती केली. पण या कार्यक्रमाला ऐश्वर्या राय-बच्चन कुठेही दिसली नाही.

पोन्नियिन सेल्वनचे कलाकार 'द कपिल शर्मा शो'मध्ये पाहुणे म्हणून उपस्थित राहणार आहेत. परंतु या सगळ्यात चित्रपटाचा भाग असलेली बॉलीवूड अभिनेत्री ऐश्वर्या राय बच्चन कार्यक्रमात दिसली नसल्याने चाहत्यांच्या मनात अनेक शंका आहेत. प्रोमोमध्ये किंवा व्हायरल फोटोमध्ये ऐश्वर्या कुठेही नसल्याचे दिसून आले आहे. ऐश्वर्या असती तर कार्यक्रम अजून बहारदार झाला असता. यावेळी या कार्यक्रमात ऐश्वर्याला पाहण्याची प्रेक्षकांची संधी हुकली आहे.

कपिल शर्मा शोमध्ये ऐश्वर्या न दिसण्याचे कारण सलमान खान असल्याचे म्हटलं जात आहे. 'द कपिल शर्मा शो' या कार्यक्रमाचा निर्माता सलमान खान आहे आणि ऐश्वर्याने या कार्यक्रमात येण्याचे टाळले असेल, असे म्हटले जात आहे. अनेक फॅन्स आणि प्रेक्षक याला विरोध करत आहेत. काहींचे म्हणणे आहे की ऐश्वर्या 'ऐ दिल है मुश्किल' चित्रपटाचे प्रमोशन करण्यासाठी या शोमध्ये आली होती. ह्याला उत्तर देत एक यूजरने कमेंट केली आहे की, 'तेव्हा सलमान खान या कार्यक्रमाचा प्रोड्युसर नव्हता', त्याने असेही लिहिले आहे की 'कलाकार वेगवेगळ्या ठिकाणी प्रमोशनसाठी जात आहेत. ऐश्वर्या दुसरीकडे प्रमोशन करण्यात बिझी असेल.'

ऐश्वर्या या कार्यक्रमाला का आली नाही याचे उत्तर तीच देऊ शकते. ऐश्वर्या व्यतिरिक्त मणिरत्नम आणि एआर रहमान हे देखील या कार्यक्रमाला उपस्थित नव्हते. ३० सप्टेंबरला पोन्नियिन सेल्वनसह विक्रम वेधासुद्धा चित्रपटगृहांमध्ये प्रदर्शित होणार आहे. पोन्नियिन सेल्वन ऐतिहासिक सिनेमा असल्याने साऊथमध्ये त्याची तुफान चर्चा सुरू आहे. हा चित्रपट मणिरत्नम यांनी दिग्दर्शित केला आहे. पोन्नियिन सेल्वन या चित्रपटाचे बजेट ५०० कोटी रुपये आहे. हा चित्रपट संपूर्ण भारतात प्रदर्शित होणार आहे. विक्रम, ऐश्वर्या राय, जयम रवी, तृषा हे सर्व कलाकार या चित्रपटात मुख्य भूमिकेत दिसणार आहेत.