Urvashi Rautela: उर्वशी रौतेलाला चक्क हॉस्पिटलमध्ये पाठवले १ लाख गुलाब; कोणी दिले? नेटकऱ्यांनी लावले तर्कवितर्क; Video पाहा

अभिनेत्री उर्वशी रौतेलाने काही दिवसांपूर्वीच रूग्णालयात असल्याचा व्हिडीओ शेअर केला होता. उर्वशीच्या हाताच्या बोटाला जखम झाल्याने रूग्णालयात दाखल केल्याचे सांगितले होते. सोशल मीडियावर उर्वशीने याबाबतची माहिती दिली होती. उर्वशीला अचानक रूग्णालयात दाखल केल्याने चाहत्यांना देखील धक्का बसला होता.

सोशल मीडियाच्या माध्यमातून उर्वशी चाहत्यांना तिच्याविषयीच्या अपडेट देत असते. नुकतेच उर्वशीने गुलाबांच्या फुलांमधला तिचा व्हिडीओ पोस्ट केला आहे. गुलाबाच्या फुलांमध्ये उर्वशी बसलेली दिसत आहे. पोस्टच्या कॅप्शनमध्ये तिने, 'माझ्या चाहत्यांनी मला १ लाख गुलाबाची फुले पाठवली आहेत. आणि लवकर बरे होण्यासाठी प्रार्थना करत आहेत. खूप खूप प्रेम' असं म्हटलंय.

उर्वशीचा हा व्हिडीओ सोशल मीडियावर तुफान व्हायरल होत अनेकांनी प्रतिक्रिया दिल्या आहेत. तर काहींनी तिला ट्रोल देखील केलं आहे. एका नेटकऱ्यांने, ही भारतातील पहिला महिला आहे जिने पब्लिसिटी संस्टसाठी असा प्रयोग केला आहे. तर आणखी एकाने, अजून किती ओव्हरअॅक्टिंग करणार, हे सर्व गुलाब तिने स्वत: खरेदी केले असल्याचं म्हटल आहे.