Sai Tamhankar: मराठी सिनेसृष्टीतील बिकीनी गर्लचा 'बस बाई बस' या कार्यक्रमात जलवा

मुंबई : झी मराठी वाहिनीवरील 'बस बाई बस'(Bus Bai Bus) या कार्यक्रमात सूत्रसंचालक सुबोध भावे त्याच्या प्रत्येक भागात नेहमी वेगवेगळ्या अभिनेत्रींना आमंत्रित करत असतो. ९ सप्टेंबर अर्थात शुक्रवारी या कार्यक्रमाचा आणखी एक भाग प्रसारित झाला आहे. या कार्यक्रमाच्या आगामी भागात मराठीच नाही तर बॉलिवूडमध्ये आपल्या अभिनयाची छाप पडणारी अभिनेत्री सई ताम्हणकर(Sai Tamhankar) सहभागी झाली होती. सईने आपल्या अभिनयाने आणि वैविध्यपूर्ण भूमिकेने आपल्या चाहत्यांचे मन जिंकले आहे. या कार्यक्रमातही सहभागी होऊन तिने या कार्यक्रमात खूप धमाल मस्ती केली आहे.

सईने शुक्रवारी 'झी मराठी'वरील 'बस बाई बस' या कार्यक्रमात हजेरी लावली होती. तिच्या येण्याने अनेकांचे लक्ष वेधून घेतले होते. नेहमीच सुबोध आलेल्या कलाकारांना बुचकळ्यात पडणारे अनेक प्रश्न विचारतो. सुबोध सईला काही बुचकळ्यात पडणारे प्रश्न विचारतो. त्यातच सईला गणितासंदर्भातील प्रश्न विचारल्याने आणखी चिंतेत पडते, यावरून सईचा आणि गणिताचा छत्तीसचा आकडा असल्याचे स्पष्ट झाले आहे. यावेळी सुबोध भावे सईला बॉईस होस्टेला कधी गेली आहेस का? असे विचारतो यावर सई बोलते, 'बॉईज हॉस्टेलला नाही गेले पण बॉईज टॉयलेटमध्ये गेले आहे'.

यावेळी सईने अनेक आपल्या गंमतीदार किस्से शेअर केले आहेत. त्यात तिला एकदा माकड चावला असल्याचे ही तिने सांगितले. त्यावेळी तिच्या त्या वाक्यावर चांगलाच हशा पिकला. सई यावेळी 'परमं सुंदरी', 'बाई वाड्यावर या' अशा अनेक गाण्यांवरही थिरकली.