अभिनेते सयाजी शिंदे यांनी साजरा केला अनोख्या पद्धतीने व्हॅलेंटाईन डे...

सातारा - सयाजी शिंदे हे जसे अभिनेते म्हणून प्रसिद्ध आहेत तसेच त्यांची निसर्ग प्रेमी म्हणून पण ख्याती आहे काही दिवसांपूर्वीच त्यांनी रस्त्याच्या कामामुळे तोडून टाकलेले शंभर वर्षांपर्वीचे झाड साताऱ्यातील (Satara) त्यांच्या देवराई मध्ये आणले. शंभर वर्षांपेक्षा जास्त वर्ष डौलात उभा असणारा हा वृक्ष रस्त्याच्या कामामध्ये मात्र कोसळला होता. पुणे (Pune) हडपसर येथून साताऱ्यात आणण्यात आलेल्या या झाडाला आता पालवी फुटली आहे. त्या झाडाला अभिनेते सयाजी शिंदे (Sayaji Shinde)आणि देवराई कार्यकर्त्यांनी साताऱ्यातील महस्वे येथील गोळीबार मैदान परिसरातील देवराई या ठिकाणी आणून त्याचे पुर्नरोपन केले होते. (Sayaji Shinde Latest News)

हे देखील पहा -

त्याला आता पालवी फुटली असून याचा आनंदोत्सव म्हणून खास व्हेलंटाईन डेच्या निमित्ताने त्याचे पुजन करुन या वडाच्या झाडाचे आणि त्याला फुटलेल्या पालवीचे खास स्वागत केले. फुटलेल्या पालवीचे पुजन अभिनेते सयाजी शिंदे यांच्या हस्ते करण्यात आले. तत्पुर्वी झाडांवर प्रेम करावे याचा संदेश देण्यासाठी खास नऊवारीच्या वेशातील मुलींनी या पालवीच्या प्रतिकृतीची हलगी ताशाच्या गजरात देवराईतून मिरवणूक काढली.

या कार्यक्रमाला निसर्ग प्रेमींनी मोठ्या प्रमाणात हजेरी लावली. या कार्यक्रमाचे पाहुणे म्हणून खास सातारा जिल्हा पोलिस प्रमुख अजय बन्सल यांनाही निमंत्रीत करण्यात आले. होते. यावेळी सयाजी शिंदे यांनी झाडांवर प्रेम करण्याबाबतचा सल्ला देताना त्यांनी शासनाला टोला लगावताना विकासाच्या नावाखाली झाडांची कत्तल न करता त्याचे पुर्नरोपन करण्याचा खास सल्ला त्यांनी त्यांच्या स्टाईलने दिला.

Edited By - Shivani Tichkule