Abhishek Bachchan: मला खूप अभिमान, पण...; घटस्फोटाच्या चर्चेवर अभिषेक ऐश्वर्याबद्दल नेमकं काय म्हणाला?

Abhishek Bachchan: बॉलिवूडमधील प्रसिद्ध अभिनेता आणि अभिषेक बच्चन आणि विश्व सुंदरी ऐश्वर्या राय यांच्या डिवोर्सच्या अफवा अनेक दिवसांपासून सुरु आहेत. अभिषेक बच्चनने अलीकडेच त्याची आणि ऐश्वर्या राय बच्चनशी तुलना केल्याबद्दल त्याचे मत व्यक्त केले आहेत. एका वृतसंस्थेला दिलेल्या मुलाखतीत, अभिषेकने या तुलना त्याला धी त्रास देतात का या प्रश्नाचे उत्तर दिले.

मुलाखतीत तो म्हणाला, आपली सतत तुलना होणे कधीच सोपे नसते. पण २५ वर्षांपर्यंत स्वतःहाला हाच प्रश्न विचारल्यानंतर, मी आता यापासून मुक्त झालो आहे. जर तुम्ही माझी तुलना माझ्या वडिलांशी करत असाल, तर तुम्ही माझी तुलना सर्वोत्तम व्यक्तीशी करत आहात. आणि जर माझी तुलना सर्वोत्तम व्यक्तीशी केली जात असेल, तर कदाचित मी या महान नावांसोबत गणिती होण्याच्या पात्रतेचा आहे. हा माझा तुलनेकडे पाहण्याचा दृष्टिकोन आहे.

अभिषेकने त्याच्या कुटुंबाबद्दल अभिमान व्यक्त करत म्हटले, "माझे पालक माझे पालक आहेत, माझे कुटुंब माझे कुटुंब आहे, माझी पत्नी माझी पत्नी आहे आणि मला त्यांचा, त्यांच्या कामाचा आणि ते करत असलेल्या प्रत्येक गोष्टीचा खूप अभिमान आहे."

अभिषेक आणि ऐश्वर्या राय बच्चनच्या घटस्फोटाबद्दलच्या अफवा गेल्या काही काळापासून सोशल मीडियावर व्हायरल होत आहेत. जुलैमध्ये एका अनंत आणि राधिका अंबानी यांच्या लग्नात हे कपल वेगळे आले त्यावेळी या अफवांना जोर आला. अभिषेकने "ग्रे घटस्फोट" मध्ये वाढ झाल्याबद्दल चर्चा करणारी एक इंस्टाग्राम पोस्ट लाईक केली तेव्हा या अटकळी अधिक तीव्र झाल्या, ज्यामुळे घटस्फोटाच्या अफवांना आणखी बळकटी मिळाली.

अभिषेक बच्चन आणि ऐश्वर्या राय बच्चन यांनी एप्रिल २००७ मध्ये लग्न केले. नोव्हेंबर २०११ मध्ये त्यांच्या मुलीचा आराध्या बच्चनचा जन्म झाला. आतापर्यंत, या जोडप्याने घटस्फोटाच्या अफवांना दुजोरा दिलेला नाही किंवा नाकारलेही नाही.