Bigg Boss Marathi : आर्याने निक्कीचा गाल केला लाल, लगावली कानशिलात;'बिग बॉस' कोणती शिक्षा ठोठावणार?

'बिग बॉस मराठी'च्या (Bigg Boss Marathi) घरात रोज एक नवीन राडा पाहायला मिळत आहे. कॅप्टन्सी टास्क चांगलाच रंगला आहे. आज पुन्हा एकदा निक्की (Nikki Tamboli) आणि आर्या (Aarya jadhav) मध्ये वाद निमार्ण झाला आहे. या वादाने पुढे जाऊन हिंसेचे रूप घेतले आहे. चालू असलेला कॅप्टन्सी टास्क 'टीम ए' विरुद्ध 'टीम बी' असा खेळला जात आहे. यावेळी आर्या आणि निक्कीमध्ये भांडण होते आणि यातून आर्या निक्कीला थोबाडीत मारते.

या टास्कमध्ये स्टोनच संरक्षण करताना अंकिता, वर्षा आर्या, निक्की आणि जान्हवी वॉशरुममध्ये पाहायला मिळाले. निक्कीच्या हातात हा स्टोन येऊ नये म्हणून सर्वजण प्रयत्न करत होते. त्यात आर्या निक्कीचे हात धरत असल्याचे पाहायला मिळत आहे.

निक्की आणि आर्याचे भांडण झटापटीत रूपांतरीत होऊन आर्या निक्कीला थोबाडीत मारते. त्यानंतर निक्की आरडाओरडा करत बाहेर येते आणि 'बिग बॉस'ला सांगत की, "आर्याने मला मारलंय, मी हे सहन करू शकत नाही. एकतर मला बाहेर काढा नाहीतर तिला. असे निक्की बोलते. यावर निक्की संतापून म्हणते की, "मला काही घेणं देणं नाही, मला जेल मध्ये पाठवा नाहीतर घरी पाठवलं तरी चालेल".

बिग बॉसच्या घरात असे पहिल्यांदाच झाले असल्यामुळे आर्याचे पुढे काय होणार हे पाहणे महत्त्वाचे ठरणार आहे. आजच्या एपिसोडमध्ये बिग बॉस आर्याला शिक्षा सुनावरणार आहे. बिग बॉस घरातील या राड्यावर संचालक आणि बिग बॉस काय निर्णय घेणार याकडे प्रेक्षकांचे लक्ष लागून आहे. तसेच या आठवड्याच भाऊच्या धक्क्यावर काय पाहायला मिळणार हे देखील पाहणे रोचक ठरणार आहे.