Madhurani Gokhale Prabhulkar Post : अण्णा, तुम्ही दिलेली कौतुकाची थाप... अरुंधतीने पोस्ट शेअर करत जयंत सावरकरांच्या आठवणींना दिला उजाळा

Madhurani Gokhale Prabhulkar Post For Jayant Sawarkar : जेष्ठ अभिनेते जयंत सावरकर यांनी आज या जगाचा निरोप घेतला आहे. त्यांच्या निधनाने मराठी सिनेसृष्टीवर शोककळा पसरली आहे. जयंत सावरकर यांच्या स्मरणार्थ अनेक मराठी कलाकार सोशल मीडियावर पोस्ट शेअर करत त्यांच्या आठवणींना उजाळा देत आहेत.

जयंत सावरकर यांनी अनेक मराठी नाटक, मालिका आणि चित्रपटामध्ये काम केला आहे. जयंत सावरकर मराठीतील सुप्रसिद्ध मालिका आई कुठे काय करतेमध्ये देखील अधूनमधून दिसायचे.

या मालिकेत कलाकारांनी त्याचण्यासाठी पोस्ट शेअर करत भावना व्यक्त केल्या आहेत. रुपाली भोसलेच्या पोस्टनंतर आता मधुराणी गोखले प्रभुलकरने देखील पोस्ट करत जयंत सावरकर यांना श्रद्धांजली अर्पण केली आहे. (Latest Entertainment News)

मधुराणी गोखले प्रभुलकरची पोस्ट

अरुंधती म्हणजे मधुराणी प्रभुलकरने पोस्ट करत लिहिले आहे, 'अण्णा.. या गाण्यानंतर तुम्ही दिलेली कौतुकाची थाप कधीही विसरू शकणार नाही.

तुम्ही अभिनयाचा चालता बोलता परिपाठ होतात. तुम्हाला काम करताना बघतसुद्धा आम्ही खूप काही शिकलो. तुम्ही तुमच्या नकळत किती शिकवलंत आम्हाला. ओम शांती'

ही पोस्ट शेअर मधुराणीने जयंत सावरकर असलेला मालिकेतील एक सीन देखील शेअर केला आहे. या सीनमध्ये मधुराणी (अरुंधती) दयाघना हे गाणे गात आहे. तर अरुंधती आणि तात्या मामासह (जयंत सावरकर) मालिकेतील इतर कलाकार कांचन, अप्पा, अभिषेक, यश, ईशा देखील दिसत आहेत.

जयंत सावरकर यांनी अनेक नाटक मालिका आणि चित्रपटामध्ये काम केले आहे. जयंत सावरकर यांनी वायाच २०व्या वर्षांपासून त्यांच्या अभिनय कारकिर्दीला सुरुवात केली. 'एकच प्याला'मधील तळीराम, 'तुझे आहे तुजपाशी'तील आचार्य, 'व्यक्ती आणि वल्ली'मधील अंतू बर्वा आणि हरितात्या या त्यांच्या गाजलेल्या भूमिका आहेत.