Pimpri Chinchwad Crime News : हिंजवडीमध्ये दाेघांना अटक, १ लाख १० हजार रुपयांच्या बनावट चलनी नोटा जप्त

Pimpri Chinchwad News :

हिंजवडी परिसरात बनावट चलनी नोटा घेऊन जाणाऱ्या दोन युवकांना हिंजवडी पोलिसांनी बेडया ठाेकल्या. त्यांच्या ताब्यातून पाेलिसांनी जवळपास १ लाख १० हजार रुपये किमतीच्या बनावट चलनी नोटा जप्त केल्या आहेत. ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

बनावट नोटा बाळगणाऱ्या संशयितांनी त्यांच्या घरातच बनावट नोटा छापल्या असल्याची माहिती हिंजवडी पोलिसांनी साम टीव्हीशी बाेलताना दिली आहे. या प्रकरणात अभिषेक राजेंद्र काकडे आणि ओमकार रामकृष्ण टेकाम यांना पाेलिसांनी ताब्यात घेतले. (Maharashtra News)

पाेलिसांनी दिलेल्या माहितीनूसार अभिषेक राजेंद्र काकडे, ओमकार रामकृष्ण टेकम आणि एक अल्पवयीन मुलाच्या विरोधात हिंजवडी पोलीस स्टेशनमध्ये (भादवी 489 क आणि 34 कलमानुसार) गुन्हा दाखल करण्यात आला आहे. त्यांच्या ताब्यातून ५०० रुपयांच्या बनावट चलनी नोटा जप्त करण्यात आल्या आहेत अशी माहिती हिंजवडी पोलिसांनी दिली. या प्रकरणाचा अधिक तपास हिंजवडी पोलीस करत आहेत.

Edited By : Siddharth Latkar