Dharashiv Crime News : 3200 रुपयांची लाच घेताना जात पडताळणी कार्यालयातील दोघांना अटक, धाराशिव एसीबीची कारवाई

- बालाजी सुरवसे

Dharashiv :

जात पडताळणी प्रमाणपत्राची डिजिटल सही असलेली प्रिंट देण्यासाठी 3200 रुपयांची लाच घेताना जात पडताळणी कार्यालयातील दाेघांना एसीबीने रंगेहाथ पकडले. या कारवाईनंतर जात पडताळणी कार्यालयात खळबळ उडाली. या प्रकरणाचा आनंदनगर पोलिस अधिक तपास करीत आहेत. (Maharashtra News)

एसीबीकडे प्राप्त झालेल्या तक्रारीनंतर लाचलुचपत प्रतिबंधक विभागाच्या अधिकाऱ्यांनी जात पडताळणी प्रमाणपत्र कार्यालयात सापळा रचला. यामध्ये प्रकल्प सहाय्यक बुध्दभुषण दिलीपराव माने व शाहबाज शफीक सय्यद हे लाच घेताना सापळ्यात अलगद सापडले.

तक्रारदार यांनी त्यांच्या मुलाचे जात पडताळणी प्रमाणपत्र मिळवण्यासाठी जिल्हा जात पडताळणी समीतीची कार्यालयात अर्ज दिला होता. या प्रमाणपत्राची डिजिटल सही असलेली प्रिंट देण्यासाठी 3200 रुपयांची लाच मागण्यात आली हाेती. त्यानूसार तक्रारदाराने एसीबीकडे तक्रार नाेंदवली हाेती. एसीबीच्या अधिका-यांनी दाेघांना लाच घेताना अटक केली. ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

Edited By : Siddharth Latkar