Shocking News : आईच्या मृतदेहासोबत बंद खोलीत कोंडून घेतलं, १३ वर्ष घराबाहेर पडला नाही, नेमकं काय प्रकरण

आईचा मृत्यू झाल्यानंतर मुलाने मृतदेहासोबत कित्येक महिने काढल्याची मन हादरवणारी बातमी समोर आली आहे. धक्कदायक म्हणजे हा मुलगा तब्बल १३ वर्ष घराच्या बाहेर पडलेला नाही. या मुलाला पोलिसांनी ताब्यात घेतले असून त्याची चौकशी करण्यात येत आहे. या घटनेने परिसरात भीतीचे वातावरण निर्माण झाले आहे. या तरुणाचे नाव झेवियर एस असे आहे. तर त्याच्या आईचं नाव अँटोनिया आहे.

मिळालेल्या माहितीनुसार, सदर घटना स्पेनमध्ये घडली आहे. ६ ऑक्टोबर रोजी दुपारी अडीचच्या सुमारास पोलिसांना एका महिलेचा फोन आला. या महिलेने पोलिसांना माहिती दिली की, तिच्या शेजारच्या घरातून दुर्गंधी येत आहे आणि दरवाजा ठोठावल्यावर कोणीही दरवाजा उघडत नाही. महिलेच्या सांगण्यावरून पोलीस स्पेनमधील मालोर्का येथे पोहचले. घटनास्थळी पोहचताच पोलिसांनी दार ठोठावले मात्र कोणीही आतून उत्तर दिले नाही. म्हणून पोलिसांनी अग्निशमन दलाला बोलावले.

अग्निशमन दलाने घराचे दार उघडले. दार उघडताच ४३ वर्षीय झेवियर एस. बाहेर आला. तो थकलेला, घाणेरडा आणि घाबरलेला अवस्थेत दिसत होता. पोलिसांनी आत जाऊन घराचा तपास केला असता त्यांना आतील रूममध्ये झेवियर एस. ची आई अँटोनियाचा मृतदेह बेडवर आढळला. मृतदेहाच्या जवळच रेडिओ चालू होता. खोलीतून दुर्गंधी बाहेर जाऊ नये म्हणून झेवियरने दरवाजाला टेप लावून ठेवली होती.

शेजाऱ्यांनी सांगितल्याप्रमाणे झेवियर १३ वर्षांपासून घराबाहेर पडलेला त्यांना दिसला नाही. पोलिसांनी या प्रकरणी झेवियरला ताब्यात घेतले असून त्याची लक्ष करण्यात आली. चौकशीदरम्यान झेवियरने म्हटल्याप्रमाणे तो गेले कित्येक वर्ष घराबाहेर पडलेला नाही. त्याची आई सर्व खरेदी आणि बाहेरची कामे करायची. अँटोनियाच्या मृत्यूपासून, जेव्हियर त्याच्या आईने आधी खरेदी केलेले बिस्किटे, भात आणि चणे खाऊन दिवस घालवायचा. कधी कधी उपाशी राहायचा.

झेवियरने दावा केला की त्याच्या आईचा मृत्यू नैसर्गिक कारणांनी झाला. तथापि, पोलिसांना बाथरूममध्ये रक्ताचे डाग आढळले, जे त्यांनी त्याचे असल्याचे सांगितले. सुरुवातीच्या पोस्टमॉर्टम अहवालातही हिंसक मृत्यू असल्याचे दिसून आले. दरम्यान पोलीस या प्रकरणी अधिक तपास करत आहेत.