अभिजीत देशमुख, साम टीव्ही प्रतिनिधी
जमिनीच्या व्यवहारात ब्रोकरचे काम करणाऱ्या एका प्रॉपर्टी ब्रोकरचा मृतदेह डोंबिवलीजवळील उंबर्ली गाव परिसरात आढळून आल्याने एकच खळबळ उडाली आहे .संजय भोईर असे या प्रॉपर्टी ब्रोकरचे नाव असून त्याची हत्या झाल्याचे पोलीस तपासात निष्पन्न झालंय .भोईर यांची हत्या का व कुणी केली याचा तपास मानपाडा पोलीस करत आहेत.
डोंबिवली जवळील उंबार्ली गावात संजय भोईर कुटुंबासह राहतात. संजय भोईर जमीन खरेदी विक्रीच्या व्यवहारात ब्रोकरचे काम करीत होते. शुक्रवारी रात्री भोईर यांचा मृतदेह उंबरली गावाजवळ असलेल्या मामाश्री ढाब्याच्या पाठीमागच्या रस्त्यावर आढळून आला.
या घटनेची माहिती मिळताच मानपाडा पोलिस घटनास्थळी दाखल झाले व त्यांनी मृतदेह ताब्यात घेतला. भोईर यांच्यावर धारदार शास्त्राने हल्ला करण्यात आला असल्याची माहिती पोलिसांनी दिली आहे. शुक्रवारी रात्री संजय भोईर आपलं काम आटोपून दुचाकीने घरी परतत असताना त्यांचावर हल्ला करण्यात आल्याची माहिती आहे. मानपाडा पोलिसांनी संजय भोईर यांचा मृतदेह शवविच्छेदनासाठी पाठवला आहे.
Edited By : Siddharth Latkar
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.