Pune: काऊंटर सोडताच हातचलाखी! पुण्यात दिवसाढवळ्या २५ लाख लुटले; चोरीचा LIVE व्हिडीओ एकदा बघाच

(अक्षय बडवे, पुणे)

पुणे: ज्वेलर्सचं लक्ष विचलित करत चोरट्यांनी भरदिवसा २५ लाख रुपयांच्या दागिन्यावर हात साफ केलाय.चोरीची ही घटना पुण्यातील येरवडा येथील महावीर ज्वेलर्स दुकानात घडलीय.चोरी करत असल्याचे दृश्य सीसीटीव्हीमध्ये कैद झाली आहेत.

पोलीस ठाण्यात गुन्हा दाखल करण्यात आला असून पोलीस या प्रकरणाचा तपास करत आहेत.सराफ दुकानदाराचं लक्ष विचलित होताच करत चोरट्यांनी डाव साधत दुकानातून ३७२ ग्रॅमचे सोन्याचे दागिने पळवले. ही संपूर्ण घटना सीसीटीव्हीमध्ये कैद झालीय. सराफा दुकानात चार ते पाच ग्राहक उपस्थित असल्याचं आपल्याला दिसत आहे.व्हिडिओच्या सुरुवातीला ज्वेलर्सच्या काऊंटर दोन जण दागिन्याची चौकशी करतात.