Pune Crime: खळबळजनक! वाघोलीजवळ बिवरी गावात दरोडा, चाकूचा धाक दाखवत १६ लाखांचे दागिने लंपास

सचिन जाधव, पुणे|ता. २ एप्रिल २०२४

Pune Crime News:

पुण्यामधून एक खळबळजनक घटना समोर आली आहे. पुण्यात वाघोलीजवळ बिवरी या गावात चाकूचा धाक दाखवत घरावर दरोडा टाकण्यात घटना उघडकीस आली आहे. या दरोड्यात रोख रकमेसह १६ लाख रुपयांचे दागिने लंपास करण्यात आले आहेत. (Crime News in Marathi)

वाघोली (Wagholi) परिसरातील बिवरी येथील गोते यांच्या घरावर सोमवारी मध्यरात्री सात जणांच्या टोळक्याने दरोडा टाकल्याची घटना उघडकीस आली आहे. यामध्ये सुमारे १६ लाख रुपयांचे दागिने व रोकड दरोडेखोरांनी चाकूचा धाक दाखवत लुटून नेण्यात आले आहेत. या प्रकरणी लोणीकंद पोलीस ठाण्यात दरोड्याचा गुन्हा दाखल करण्यात आला आहे.

समोर आलेल्या माहितीनुसार, फिर्यादी हे कुटुबियांसमवेत घरात झोपलेले असताना रात्री दोन वाजण्याच्या सुमारास सात जणांनी गोते यांच्या घराचा दरवाजा कटावणीने उघडला. तसेच सात जणांनी घरामध्ये प्रवेश केला. त्यांनी घरातील सर्वांंना चाकूचा धाक दाखविला. तसेच घराच्या कपाटातील पाच लाख रुपये रोकड व सुमारे ११ लाख रुपये किमतीचे दागिने त्यांनी लंपास केले.

दरम्यान, यावेळी कानातले दागिने काढताना ते दागिने ओढल्याने फिर्यादी यांच्या आईला कानाला दुखापतही झाली. या धक्कादायक घटनेने परिसरात एकच खळबळ उडाली आहे. लोणीकंद पोलीस स्टेशन या प्रकरणाचा अधिक तपास करत आहेत.

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)