Pune Crime : लग्नाचे आमिष दाखवून तरुणाची २२ लाखांची फसवणूक; ठगणाऱ्या मुलीविरोधात गुन्हा दाखल

Pune Crime :

लग्नाचे आमिष दाखवून फसवणूक करण्याची घटना वाढू लागल्या आहेत. पुण्यातील लोणीकंद परिसरात एका मुलाची फसवणूक झालीय. लग्नाचं आमिष दाखवून एक तरुणीने तरुणाला २२ लाख रुपयांचा गंडा घातलाय. या प्रकरणी लोणीकंद पोलीस ठाण्यात तरुणीसह दोघांविरुद्ध गुन्हा दाखल करण्यात आला आहे. (Latest News)

याबाबत वाघोली येथील एका ३० वर्षीय तरुणाने लोणीकंद पोलीस ठाण्यात फिर्याद दिलीय. पीडित मुलाच्या तक्रारीनुसार, तरुणीसह जय भगवान रोकडे (दोघे रा. संगमनेर, जि. अहमदनगर) या दोघांविरुद्ध गुन्हा दाखल करण्यात आलाय. तक्रारीनंतर पोलिसांनी जय रोकडेला अटक केलीय. पोलिसांनी दिलेल्या माहितीनुसार, संगमनेर येथील एका तरुणाची सोशल मीडियावर या तरुणीसोबत मैत्री झाली.  ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

त्यानंतर या तरुणीने तरुणाला आपल्या जाळ्यात ओढून घरगुती आर्थिक अडचण असल्याचे सांगितले. त्यानंतर त्याच्याकडे पैसे मागितले. हे पैसे परत करेन असं आश्वासन तरुणीनं दिलं. तरुणीवर विश्वास ठेवत तरुणाने वेळोवेळी ऑनलाइन पद्धतीने या मुलीला २२ लाख रुपये दिले. त्यानंतर तरुणाला आर्थिक अडचण आल्यानंतर तरुणाने तिच्याकडे पैसे मागितले. त्यानंतर तिने तरुणाला उडवाउडवीचे उत्तरे दिली. आपली फसवणूक झाल्याचे लक्षात आल्यानंतर तरुणाने पोलिसांत तक्रार दिली.

मुंबईतही अशीच घटना घडली होती. येथे एका ७५ वर्षीय महिलेची फसवणूक झाली होती. महिलेला आमिष दाखवून तिला तब्बल साडेबारा लाख रुपयांचा गंडा दोन जणांनी घातला होता. या प्रकरणी माटुंगा पोलिसांनी दोघांना अटक केली होती. नोव्हेंबर महिन्यात ख्रिस पॉल नावाच्या इसमाने व्हाट्सअपवर महिलेशी संपर्क केला आणि आपण जर्मन नागरिक असल्याचा बनाव केला.

त्यानंतर त्याने महिलेला लग्नाची स्वप्न दाखवली आणि विश्वास संपादन केला. त्यानंतर या तोतया पॉलने महिलेसाठी गिफ्ट कार्ड पाठवण्याचा बनाव करत हे गिफ्ट कार्ड कस्टमर क्लिअरन्समध्ये अडकल्याचा दावा करत महिलेकडून पैसे उकाळले होते.