Dhule Crime News : मुंबई आग्रा महामार्गावर वाहनधारकांना लूटणाऱ्यांना अटक

Dhule :

मुंबई आग्रा महामार्गावर (mumbai agra highway) वाहनधारकांची लूट करणाऱ्या दोघा सराईतांच्या आझाद नगर पोलिसांनी मोहाडी पोलिसांच्या (mohadi police) मदतीने मुसक्या आवळल्या आहेत. यामध्ये या चोरट्यांनी लुटलेला मुद्देमाल देखील पोलिसांनी हस्तगत केला आहे. ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

धुळे शहरापासून काही किलोमीटर अंतरावर असलेल्या मुंबई आग्रा महामार्गावर वरखेड फाटा या ठिकाणी वाहनधारक सकाळच्या सुमारास आपले वाहन उभे करून वाहनाची सफाई करत असताना दोघा सराईतांनी दुचाकीवरून येऊन चाकूचा धाक दाखवत संबंधिताचा मोबाईल लुटून पोबारा केल्याची घटना उघडकीस आली होती.

या संदर्भात गुन्हा दाखल झाल्यानंतर आझाद नगर पोलिसांनी तपासाची चक्र फिरवली असता दोघा सराईतांच्या या प्रकरणात आझाद नगर पोलिसांनी मुसक्या आवळल्या आहेत. या सराईतांकडून यापूर्वी देखील इतर ठिकाणी अशाच प्रकारे जबरी लूट केली असल्याचे उघडकीस आले आहे. (Maharashtra News)

धुळे शहरासह मोहाडी पोलिस ठाण्यात या संबंधितांविरोधात तक्रार दाखल असल्याचे उघडकीस आले आहे. पोलिसांनी या चोरट्यांकडून दोन दुचाकीसह चोरलेला मोबाईल व धारदार शस्त्र हस्तगत केले. पुढील तपास आझाद नगर पोलीस करीत आहेत.

Edited By : Siddharth Latkar