चोरी, घरफोडी करणाऱ्या हुसेन कमरुद्दीन शेख (२३) व अजीम उर्फ मुन्ना सलीम शेख (१९) या दोन सराईत चोरांना रबाळे पोलिसांनी अटक केली आहे. एमआयडीसी हद्दीतील चार गुन्ह्यांमध्ये त्यांचा सहभाग असल्याचे उघड झाले असून पोलिसांनी एक रिक्षा, चोरी केलेल्या चार बॅटरीसह एक लाख ७८ हजारांचा मुद्देमाल हस्तगत केला आहे.
घणसोली सेक्टर-१५ मध्ये रस्त्यालगत उभ्या असलेल्या डम्परमधील दोन बॅटरी चोरल्या होत्या. तसेच साईबाबा मंदिरातील दानपेटी फोडून त्यातील पैसे चोरले होते. याप्रकरणी रबाळे पोलीस ठाण्यात गुन्ह्यांची नोंद झाल्यानंतर पोलिसांनी घटनास्थळावरील सीसी टीव्हीची पाहणी केली होती. बातमीदारांकडून मिळालेल्या माहितीच्या आधारे आरोपी हुसेन कमरुद्दीन शेखला घणसोलीतील एका हॉटेल समोरून ताब्यात घेतले. पोलिसांनी त्याच्याकडे अधिक चौकशी केली असता अजीम उर्फ मुन्ना याने डम्परच्या बॅटरी तसेच साईबाबा मंदिरातील दानपेटी फोडून त्यातील पैसे चोरल्याची कबुली दिली. त्यानंतर कोपरखैरणे परिसरातून अजीम उर्फ मुन्नाला अटक करून चोरलेला मुद्देमाल हस्तगत केला आहे.
('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)
सकाळ+चे सदस्य व्हा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
