Crime News : नागपूर हादरलं! ११ वर्षांच्या मुलाची खंडणीसाठी हत्या, झुडपात आढळला मृतदेह

नागपूरमधून धक्कदायक बातमी समोर आली आहे. खापरखेडा परिसरातील चनकापूर येथे बुधवारी सकाळी ११ वर्षीय विद्यार्थ्याची हत्या करण्यात आली आहे. मृत मुलाचे नाव जितू युवराज सोनेकर (वर्षे ११). धक्कदायक म्हणजे या अपहरणामागे खंडणी मागण्याचा हेतू असल्याचं समोर आलं आहे. मात्र खंडणी मागण्याच्या तयारीत असलेल्या नराधमांनी निरपराध मुलाचा जीव घेतला आहे. या घटनेत सामील असलेल्या आरोपीला पोलिसांनी बेड्या ठोकल्या आहेत.

मिळालेल्या माहितीनुसार, जितू सोनेकर हा मुलगा १५ सप्टेंबर रोजी शाळेसाठी घरातून निघाला. मात्र शाळा सुटल्यानंतर घरी परतला नाही. जितू घरी परतला नसल्याने त्याच्या कुटुंबीयांनी शोधाशोध केली. मात्र जितू सापडला नसल्याने कुटुंबीयांनी पोलीस ठाण्यात तक्रार दाखल केली. पोलिसांनी गावात शोध घेतला मात्र थांगपत्ता लागलाच नाही.

अखेर आज चनकापूर येथील डब्ल्यूसीएल कॉलनीलगतच्या शिवारात गुराख्याला लहान मुलांचा शाळेच्या गणेश घातलेला लहान मुलांचा मृतदेह झुडपात आढळला. क्षणाचाही विलंब न करता गुराख्याने पोलिसांना माहिती दिली. त्यानुसार पोलिसांनी घटनास्थळी धाव घेतली. स्थानिक पोलिसांसोबत फॉरेन्सिक पथकाने देखील पाहणी केली. पोलिसांच्या प्रथमिक तपासात जितूचा गळा आवळून हत्या केल्याच स्पष्ट झालं आहे.

धक्कादायक म्हणजे पोलिसांनी खोलवर लक्ष केल्यावर त्यांना समजले, जीतूचे वडील यांना शेत विकल्याचे पैसे मिळणार असल्याची माहिती शेजारी राहणाऱ्या तरुणांना मिळाली. त्यामुळे जितूचे अपहरण करून त्याच्या वडिलांकडून खंडणी उकळण्याचा आरोपींचा प्रयत्न होता. मात्र जितूला अपहरण केल्यानंतर जितूने आरोपींना प्रश्न विचारल्याने त्यांनी त्याची गळा आवळून हत्या केली. आणि शेजारील झुडपात मृतदेह फेकला. या प्रकरणी पोलिसांनी आरोपी राहुल पाल, अरुण भारती आणि यश वर्मा यांना पोलिसांनी अटक केली. दरम्यान या घटनेतील गुन्हेगारांना काय शिक्षा होणार हे पाहणं महत्त्वाचं ठरेल.