Crime: मध्यरात्री रक्तरंजित थरार! लातूरमध्ये राष्ट्रवादीच्या पदाधिकाऱ्याची हत्या, मैत्रिणीवरही चाकूने सपासप वार

लातूरमध्ये मध्यरात्री हत्याकांडाची भयंकर घडली. गाडीला कट का मारला? असा जाब विचारत तरुण-तरुणीवर जीवघेणा हल्ला करण्यात आला. अज्ञातांनी दोघांना चाकूने भोसकलं. या हल्ल्यात तरुणाचा मृत्यू झाला तर तरुणी गंभीर जखमी झाला. या हल्ल्याप्रकरणी लातूर पोलिलांनी एका व्यक्तीला ताब्यात घेतलं आहे. या घटनेमुळे लातूरमध्ये खळबळ उडाली आहे.

मिळालेल्या माहितीनुसार, लातूर शहरात भ्रष्टाचार निर्मूलन समितीच्या मेळाव्यासाठी सोलापूरहून आलेल्या तरुण आणि तरुणीवर मध्यरात्री चाकूने हल्ला करण्यात आला. मध्यरात्री पाच नंबर चौकाकडून औसाला जाणाऱ्या बायपास रोडवर हा धक्कादायक प्रकार घडला. गाडीला कट का मारला? या कारणावरून सोलापूर येथील अनमोल कवठे आणि सोबत असलेल्या सोनाली भोसले या दोघांवर धारदार चाकूने हल्ला करण्यात आला.

या हल्ल्यात अनमोल कवठे याचा मृत्यू झाला तर सोबत असलेली सोनाली भोसले ही गंभीर जखमी आहे. तिच्यावर सध्या लातूर येथे शासकीय रुग्णालयात उपचार सुरू आहेत. दरम्यान या हल्ल्यातील मयत अनमोल कवठे हा राष्ट्रवादी शरद पवार गटाचा कार्यकर्ता असल्याची माहिती समोर येते आहे. अनमोलवर देखील खंडणी सारखे पाच गुन्हे दाखल आहेत. त्याला तडीपार देखील करण्यात आलं होतं.

तर घटनेतील आरोपी शुभमला पोलिसांनी अटक केली. आरोपीने अनमोलच्या गळ्यावर आणि मानेवर चाकूने सपासप वार केले. चाकू गळ्यामध्ये आरपार गेल्यामुळे त्याचा जागीच मृत्यू झाला. तर अनमोलची मैत्रीण सोनालीवर आरोपीने चाकूने छातीवर तीन आणि पाठीवर दोन वार केले. सोनालीची प्रकृती चिंताजनक आहे. तिच्यावर सध्या उपचार सुरू आहेत. या घटनेमुळे लातूरमध्ये खळबळ उडाली आहे. या भयंकर घटनेमागे नेमका कोण मास्टरमाइंड कोण आहे? त्याचा तपास आता लातूर पोलिस करत आहेत.