Fraud News : मराठी चित्रपट निर्मात्याला 30 लाख रुपयांचा गंडा, वाचा साविस्तर

Fraud News : बँकिंगच्या विस्तारानंतर आर्थिक जागृतीबाबत सातत्याने मोहिमा राबवल्या जातात. सर्वसामान्यांनाही फसवणूक करणाऱ्यांपासून दूर राहण्याचा सल्ला देण्यात आला येतो. असे असतानाही अनेकदा फसवणुकीच्या बातम्या येत असतात. महाराष्ट्रातील नागपुर येथे अशीच एक धक्कादायक घटना समोर आली आहे. या महिलेने एका चित्रपट निर्मात्याला अडकवून त्याच्याकडून 30 लाख रुपये उकळले. या घटनेच्या काही महिन्यांनंतर चित्रपट निर्मात्याने पोलिसात तक्रार केली, त्यानंतर गुन्हा दाखल करण्यात आला आहे.

दोन कोटी रुपयांचे कर्ज मिळवून देण्याचे आमिष दाखवून नागपुरातील एका चित्रपट निर्मात्याची ३० लाख रुपयांची फसवणूक केल्याप्रकरणी चौघांविरुद्ध गुन्हा दाखल करण्यात आला आहे. पोलीस अधिकाऱ्याने शनिवारी ही माहिती दिली. फिर्यादी अमित परमेश्वर धुपे यांनी पोलिसांना सांगितले की, सहा महिन्यांपूर्वी एका महिलेने त्याच्याशी संपर्क साधून सरकारी व राजकीय वर्तुळात आपले संपर्क असून कर्ज मिळवून देण्यासाठी आपण मदत करू शकतो, असा दावा केला होता.

40 लाखांची मागणी

पोलिस अधिकाऱ्याने दिलेल्या तक्रारीचा हवाला देत सांगितले की, महिलेने धुपेची ओळख दुसऱ्या व्यक्तीशी करून दिली. ते म्हणाले की त्यांचा मुलगा सार्वजनिक क्षेत्रातील बँकेत काम करतो आणि चित्रपट निर्मात्याने 40 लाख रुपये फी भरल्यास तो त्याला 2 कोटी रुपयांचे कर्ज मिळवून देऊ शकतो. यानंतर धुपेची आणखी दोघांशी ओळख झाली, असे तक्रारीत म्हटले आहे. धुपे यांनी ऑक्टोबरमध्ये करारनामा करून आरोपींना 30 लाख रुपये दिले, नंतर 10 लाख रुपये देण्याचे आश्वासन दिले. मात्र, त्यानंतरही चित्रपट निर्मात्याला कर्ज दिले गेले नाही. त्यानंतर आरोपीने त्याचा फोन उचलणे बंद केले.

धमकी दिल्याचा आरोप

19 डिसेंबर रोजी, एका आरोपीने धुपेला धमकी दिली, तर महिलेने सांगितले की ती त्याच्याविरुद्ध गुन्हा दाखल करेल, असे अधिकाऱ्याने सांगितले. यानंतर चित्रपट निर्मात्याने पोलीस ठाण्यात तक्रार दाखल केली. पोलिसांनी चारही आरोपींविरुद्ध गुन्हा दाखल केला आहे. तक्रारदाराने पोलिसांना सांगितले की, आरोपींनी दावा केला होता की ते त्याला 300 कोटी रुपयांचे कर्ज मिळवून देऊ शकतात.