Mumbai Crime: धारदार शस्त्राने प्रेयसीची हत्या, नंतर स्वत:वर केला वार, लिव्ह-इन रिलेशनशिपचा भयंकर शेवट

संजय गडदे

Mumbai:

मुंबई मालाड पूर्व कुरार पोलीस ठाण्याच्या हद्दीत माथेफिरू प्रियकराने प्रेयसीवर धारदार शस्त्राने हल्ला केला आहे. या हल्ल्यात प्रेयसी गंभीर जखमी झाली आहे. प्रेयसीवर हल्ला केल्यानंतर प्रियकराने स्वतःवर देखील हल्ला करून जखमी करून घेतले आहे. याप्रकरणी जखमी तरुणीच्या तक्रारीनंतर कुरार पोलिसांनी गुन्हा दाखल करून आरोपी प्रियकर बाबुराव मोरे याला ताब्यात घेतलं असून त्याच्यावर रुग्णालयात उपचार सुरू आहेत.

मिळालेल्या माहितीनुसार, २९ वर्षीय मयत तरुणी पुणे जिल्ह्यात राहणारी असून दारुड्या नवऱ्याच्या त्रासाला कंटाळून ती पुणे परिसरात वेगळी राहत होती. तिच्याच गावातील बाबुराव मोरे याच्यासोबत तिचे प्रेमसंबंध जमले.

बाबुराव मोरे मैना गिरीला सोबत घेऊन मुंबईच्या कांदिवली शांतीनगर परिसरात भाड्याने राहत होता. बाबूराव रिक्षा चालवायचा. तीन वर्षांपासून दोघेही लिव्हइन रिलेशनशिपमध्ये राहत होते.

गुरुवारी बाबुराव मोरे यांनी एक धारदार चाकू विकत घेतला आणि मैना गंभीर जखमी केलं. या हल्ल्यात तरुणी जागेवरच मृत पावली. यानंतर बाबुरावने स्वतःवर देखील चाकूने वार केले.

यात तो देखील जखमी झाला असून त्याच्यावर सध्या रुग्णालयात उपचार सुरू आहेत. रुग्णालयातून डिस्चार्ज दिल्यानंतर त्याला ताब्यात घेऊन पुढील चौकशी केली जाईल असे पोलिसांकडून सांगण्यात आले आहे.