Mahadev Betting App : 'महादेव बेटींग अ‍ॅप' प्रकरणातील मुख्य सुत्रधाराला अटक; मुंबई विमानतळावर आवळल्या मुसक्या

Mahadev Book App :

महादेव बूक अ‍ॅपने बॉलिवूडमधील अभिनेते आणि तारकांना चांगलेच गोत्यात आणलं आहे. रणबीर कपूरपासून ते नेहा कक्कर, सनी लिओनीपर्यंत सर्व सेलिब्रेटी चौकशीच्या फेऱ्या अडकले आहेत. आता महादेव अ‍ॅप प्रकरणाबाबत एक मोठी बातमी समोर आलीय. या अ‍ॅप प्रकरणातील मुख्य सूत्रधार मृगांक मिश्रा याला मुंबई विमानतळावरून अटक करण्यात आलीय. मिश्रावर १६३० बनावट खात्यांद्वारे कोट्यवधी रुपयांची फसवणूक केल्याचा आरोप आहे. मिश्रा हा रतलामचा रहिवासी असून तो दुबईत लपून बसल्याची बातमी समोर आलीय.

इमिग्रेशन विभागाने त्याला पकडून राजस्थान पोलिसांच्या ताब्यात दिले. यापूर्वी महादेव बुक अ‍ॅप प्रकरणी अनेक बॉलिवूड अभिनेत्यांना ईडीने समन्स दिलं होतं. त्यातच आता विनोदी कलाकार कपिल शर्मा, अभिनेत्री हुमा कुरेशी आणि हिना खान यांनी ईडीने समन्स बजावलं.