उत्तर प्रदेशमध्ये गुन्हेगारीच्या घटना वाढतच चालल्या आहेत. यूपीच्या सीतापूरमध्ये एका पती-पत्नीचे राहत्या घरात मृतदेह आढळून आलेत. पतीने स्वत: आपल्या पत्नीची हत्या केलीये. त्यानंतर त्याने स्वत: देखील गळफास घेऊन जीवन संपवलंय. या घटनेमुळे परिसरात एकच खळबळ उडाली आहे.
पोलिसांनी दिलेल्या माहितीनुसार, थानगांव पोलीस स्टेशन परिसरातील कोटवालनपुरवा गावात ही घटना घडली आहे. परसराम असं पतीचं नाव आहे. तर प्रेमा देवी असं पत्नीचं नाव आहे. पती त्याचं काम करून घरी आला होता. दिवसभर काम करून त्याला भुक लागली होती. त्यामुळे त्याने पत्नीकडे जेवण मागितलं. पत्नीने लगेच जेवण बनवण्यास सुरूवात केली.
यामध्ये तिला थोडा उशिर झाला. पतीच भुक तोवर आणखी वाढली. जेवण उशिरा दिल्याने यावरून दोघांमध्ये वाद झाला. पतीचा रागाचा पारा फार वाढला. रागाच्या भरात त्याने पत्नीला मारहाण केली. काही वेळाने त्याने रागात आपल्याच पत्नीवर चाकूने हल्ला केला. पत्नीला रक्ताच्या थारोळ्यात पडलेलं पहिल्यावर त्याचं डोकं ठिकाणावर आलं.
झालेल्या प्रकारामुळे तो खुप घाबरला. पत्नी गेल्याचं दु:ख आणि पोलिसांच्या भीतीने त्याने स्वत:ला एका खोलीत बंद करून घेतले आणि गळफास घेतला. ही घटना घडली तेव्हा शेजारी हे सर्व पाहत होते. त्याने स्वत:ला कोंडून घेतल्यावर नागरिकांनी पोलिसांना या बाबत माहिती दिली. पोलिसांनी तात्काळ घटनास्थळी दाखल होत मृतदेह ताब्यात घेतले आहेत.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
