धाराशिव : पेट्राल पंप लूटीसह विविध गुन्ह्यातील आराेपींना अटक, मुद्देमाल जप्त

- बालाजी सुरवसे

Dharashiv :

धाराशिव जिल्ह्यातील कळंब परिसरात अवघ्या 20 दिवसांत शस्त्राचा धाक दाखवून केलेली पेट्रोल पंपावरील लुट, एटीएम मशिनसह लंपास केलेली ३३ लाखांची रोकड व एकाच रात्रीत केलेल्या तीन दुकानांतील चाेरी या सर्व गंभीर गुन्ह्याचा छडा लावण्यात धाराशिव पोलिसांना (dharashiv police) यश आले आहे. विविध गुन्ह्यातील आरोपींना पाेलिसांनी अटक केली आहे. (Maharashtra News)

धाराशिव जिल्ह्यातील मस्सा येथे कोयत्याचा धाक दाखवून पेट्रोल पंपावर दरोडा घालण्यात आला हाेता. समर्थ पेट्रोलियम येथील दोन कामगारांना मारहाण करण्यात आली हाेती. त्यांच्याकडून दोन मोबाईलसह ४५ हजाराची रोख रक्कम लूटण्यात आली हाेती.

वाढत्या गुन्हेगारीच्या पार्श्वभूमीवर धाराशिव पाेलिसांची विविध ठिकाणे पथक चाेरट्यांचा शाेध घेत हाेती. विविध गुन्ह्यातील संशयितांच्या मागावर पाेलिस हाेते. पाेलिसांनी आरोपींना नुकतेच गजाआड केले. त्यांच्याकडुन मुद्देमाल जप्त करण्यात आला आहे अशी माहिती पोलिस अधीक्षक अतुल कुलकर्णी यांनी साम टीव्हीला दिली.

('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

Edited By : Siddharth Latkar