बुलडाणा : बुलडाण्यातील एका व्यक्तीने घरात पत्नी एकटी असताना चारित्र्यावर संशय घेत पत्नीची धारदार शस्त्राने निर्घृणपणे हत्या केली होती. त्यानंतर २ मुलींना तलावात उडी मारून आत्महत्येचा प्रयत्न केला होता. परंतु काही लोकांनी तिघांना सुखरुप बाहेर काढले होते. या प्रकरणी आता न्यायालयाने निकाल सुनावला आहे. या प्रकरणी आरोपी पतीला दुहेरी जन्मठेपेची शिक्षा आणि १६५०० रुपयांचा दंड ठोठावण्यात आला आहे.
बुलडाण्यातील त्रिशरण चौकाजवळील स्मशानभूमीजवळ असलेल्या जगदंबा नगरात ३५ वर्षीय पूजा उर्फ गीता ही आई-वडिलांकडे तीन मुलीसह राहात होती. 2011 मध्ये आरोपी गजानन विश्वनाथ जाधव याचं रीती रिवाजाप्रमाणे लग्न झालं होतं. लग्न झाल्यानंतर दोघांना तीन मुली झाल्या. परंतु आरोपी गजानन हा नेहमी पत्नीच्या चारित्र्यावर संशय घ्यायचा. तसेच मारहाण करायचा. तसेच शारीरिक व मानसिक छळ करायचा.
पूजाचे वडील सुरेश तायडे हे पूजा आणि आरोपी गजानन या दोघांना समज देऊन नांदवयास पाठवायचे. काही दिवसानंतर सततच्या त्रासामुळे कंटाळून पूजाही अंदाजे एक ते दीड महिन्यापूर्वी दोन मुलीसह माहेरी आली होती. काही दिवसांत तिचा पती आरोपी गजानन हा जालन्यावरून बुलढाणा येथे आला. रात्री जेवण करून फिर्यादीच्या घरी अर्थात सासरी मुक्कामी थांबला होता.
9 ऑगस्ट 2021 रोजी सकाळी दहा वाजेच्या सुमारास मुलीचे वडील सुरेश तायडे आणि त्याची पत्नी व मुलगी अश्विनी ही बुलडाण्यामध्ये बाहेर कामानिमित्त गेली होती. पूजाच्या दोन्ही मुली बाहेर खेळत होत्या. आरोपीच्या मनात पत्नीचा खून करण्याचा बेत होता. त्याने तिच्या घरात एकटेपणाचा फायदा घेत तिच्यावर चाकूने आठ वार करून तिची हत्या केली. दोन्ही मुलींना घेऊन समोर असलेल्या संगम तलावामध्ये उडी घेतली.
तिघांनी तलावात उडी घेतल्यानंतर नागरिकांना त्यांना वाचविण्यात यश आलं. याप्रकरणी मृतकाचे वडील सुरेश तायडे यांच्या तक्रारीवर बुलढाणा शहर पोलीस ठाण्यात आरोपीविरुद्ध गुन्हा दाखल केला. त्यानंतर षारोपपत्र जिल्हा सत्र न्यायालयात दाखल करण्यात आले होते.
या प्रकरणात एकूण 15 साक्षीदार तपासल्यानंतर आरोप सिद्ध झाला. या प्रकरणात कलम 302 आणि 307 मध्ये आरोपीला आज 20 मे रोजी दुपारी 1 वाजेच्या सुमारास दुहेरी जन्मठेपेची शिक्षा न्यायाधीश एस. बी.डिगे यांनी दिली आहे. सरकार पक्षाकडे जिल्हा सरकारी वकील एड.वसंत भटकर यांनी युक्तिवाद केला.
सकाळ+चे सदस्य व्हा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
